| e-texts navigator |
| Wylie |
208b1 གྱིས་ཤིག་། སྤྲིན་ཆེན་སྙིང་པོ། དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་ཏིང་ངེ་འཛིན་དང་། གཟུངས་ཐམས་ཅད་ཀྱི་གསང་བ་བསམ་གྱིས་མི་ཁྱབ་པའི་རྣམ་པར་འཕྲུལ་པའི་རྒྱལ་པོ། དགེ་བའི
208b2 རྩ་བའི་འབྱུང་གནས། ཟབ་མོའི་ཚིག་གི་དོན་རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བའི་རང་བཞིན་གྱི་ཕྱག་རྒྱའི་མཚན་ཉིད་བརྟན་པའི་མངོན་མཚན་གྱིས་བཏབ་པ། སྤྲིན་ཆེན་པོའི་མདོ།
208b3 མཚུངས་པ་མེད་པའི་མདོའི་རྒྱལ་པོའི་ཆོས་ཀྱི་ཚུལ་ཟུངས་ཤིག། སྤྲིན་ཆེན་སྙིང་པོ། ཤིན་ཏུ་བྱང་ཞིང་ཤིན་ཏུ་རྟོགས་པར་དཀའ་བ། རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བའི་རང་བཞིན་སངས
208b4 རྒྱས་ཀྱི་ཡོན་ཏན་གྱི་ཆེ་བ་ཉིད་ཀྱི་སྤྲིན་ཆེན་པོའི་མདོ། མཚུངས་པ་མེད་པའི་མདོའི་རྒྱལ་པོ། དམ་པའི་ཆོས་བརྟན་པའི་གཏེར་ལ་ཡིད་ཆེས་པར་གྱིས་ཤིག་།སྤྲིན་ཆེན་སྙིང་པོ། སྤྲིན་ཆེན་པོའི་མདོ། སེམས
208b5 ཅན་ཐམས་ཅད་ཀྱི་དམ་པའི་ཆོས་བརྟན་པའི་གཏེར་དང་། མུ་གེ་བྱུང་བའི་ཚེ་ལོངས་སྤྱོད་མི་ཟད་པར་བྱེད་པའི་ཏིང་ངེ་འཛིན་དང་གཟུངས་ཀྱི་གཏེར་དང་། ཆར་མི་འབབ་པའི་ཚེ་དམ་པའི་ཆོས་ཀྱི་ཏིང་ངེ་འཛིན་གྱི
208b6 གཏེར་མི་ཟད་པའི་བདུད་རྩིའི་ཆར་གྱི་ཆུས་གང་བའི་སྤྲིན་ཆེན་པོའི་ཡོན་ཏན་གྱི་རྣམ་པར་འཕྲུལ་པ་དང་། དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་རྟག་པ་དང་། ཐེར་ཟུག་པ་དང་། བརྟན་པ་དང་། ཞི
208b7 བའི་རང་བཞིན་གྱི་ཆར་ཆེན་པོ་དམ་པའི་ཆོས་བརྟན་པའི་གཏེར་དང་། ནད་བྱུང་བའི་ཚེ་བདེ་ཞིང་བསིལ་བའི་སྨན་སྦྱར་བས་དུག་གི་མཐུ་ཐམས་ཅད་མེད་པར་བྱེད་པ་དང་། དམ་པའི་ཆོས་ཀྱི་གཟུངས་ཐོབ
iiif viewer powered by OpenSeadragon
