| e-texts navigator |
| Wylie |
208a1 རྒྱས་ཀྱི་ཡོན་ཏན་གྱི་ཆེ་བ་ཉིད་ཀྱི་ཆོས་བརྟན་པའི་གཏེར་གྱི་ཚུལ་གང་གིས་སངས་རྒྱས་ཀྱི་ཡོན་ཏན་གྱི་དམ་པའི་ཆོས་བརྟན་པའི་གཏེར་གྱི་ཚུལ་དང་། དེ་ཁོ་ན་ཤེས་པའི་ཆུས
208a2 ཡོངས་སུ་སྨིན་པར་བྱས་པའི་དགེ་བའི་རྩ་བའི་བདུད་རྩིའི་རོ་ཞིམ་པོ་ཐོབ་པ་ཡོད་དེ། དགེ་བའི་རྩ་བ་དེས་བདུད་རྩིའི་རོ་ཞིམ་པོ་ཡོངས་སུ་སྤྱད་ནས་དེ་བཞིན་གཤེགས་པ་ཐམས་ཅད་མཛད་པ་ཐམས
208a3 ཅད་མཛད་དོ། །ཡོངས་སུ་རྫོགས་པས་སངས་རྒྱས་ཀྱི་མཛད་བས་མངོན་པར་རོལ་པ་བདུད་རྩིའི་རོ་ཞིམ་པོ་དེའང་ཡོངས་སུ་སྤྱོད་ཅིག་།སེམས་ཅན་ཐམས་ཅད་ལའང་ཡེ་ཤེས་ཆེན་པོའི་བདུད་རྩིའི་རོ
208a4 ཞིམ་པོ་བྱིན་ཅིག་། སྤྲིན་ཆེན་སྙིང་པོའི་མདོ། མཚུངས་པ་མེད་པའི་མདོའི་རྒྱལ་པོ། ཆོས་ཀྱི་རྣམ་གྲངས་ཆེན་པོ། ཚངས་པར་སྤྱོད་པ། ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང
208a5 པོ|་ཚིག་འབྲུ་བཟང་པོ། མ་འདྲེས་པ། ཡོངས་སུ་དག་པ། ཡོངས་སུ་བྱང་བཟུངས་ཤིག། སྤྲིན་ཆེན་སྙིང་པོ། སྤྲིན་ཆེན་པོའི་མདོ། མཚུངས་པ་མེད་པའི་མདོའི་རྒྱལ་པོ། ཆོས་ཀྱི་རྣམ་གྲངས་ཆེན
208a6 པོ་དེ|་དེ་བཞིན་གཤེགས་པའི་ཚུལ་དམ་པའི་ཆོས་བརྟན་པའི་གཏེར་ཤོད་ཅིག་། སྤྲིན་ཆེན་སྙིང་པོ། སྤྲིན་ཆེན་པོའི་མདོ། ཀུན་ཆུབ་པར་གྱིས་ཤིག་།སྤྲིན་ཆེན་སྙིང་པོ། སྤྲིན་ཆེན་པོའི་གཟུངས་ཀྱི
208a7 རྒྱ་མཚོ་ཆེན་པོ། ཏིང་ངེ་འཛིན་གྱི་རྒྱ་མཚོ། དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་ཡོན་ཏན་གྱི་འབྱུང་གནས་ཀྱི་ཚོང་རྡལ། སྐྱེས་བུ་དམ་པའི་ཚོང་བའི་གནས་ཆེན་པོར་གྱུར་པ་རྒྱས་པར
iiif viewer powered by OpenSeadragon
