| e-texts navigator |
| Wylie |
205b1 པའི་སྐུ་ནི། ཡོན་ཏན་དཔག་ཏུ་མེད་ཅིང་གྲངས་མེད་པ་དང་ལྡན་པ་ཡིན་ནོ། །དེ་བཞིན་གཤེགས་པའི་འཕེལ་བའི་གཏམ་གྱི་མཚན་ཉིད་ནི། འདི་ལྟ་བུ་ཡིན་ཏེ། ཕྲ་བའི་ཚིག་དང་། ཤིན་ཏུ་རྟོགས་པར
205b2 དཀའ་བ་དང་། ཤིན་ཏུ་བྱང་བ་དང་། ཤིན་ཏུ་ཟབ་པ་སྟེ། ཕྱི་རོལ་པ་རྣམས་དང་། ཉན་ཐོས་དང་། སངས་རྒྱས་དེ་དག་གིས་སྔོན་ཚིག་དང་ཡི་གེ་གཅིག་ཀྱང་མཐོས་ཏེ་དམུས་ལོང་དུ་གྱུར་ཅིང་དུག་གི
205b3 མངོན་དུ་གྱུར་པ་དང་། གྲུམ་པོར་གྱུར་ཅིང་རྒས་པར་གྱུར་པ། སྲིད་པའི་སྒོ་ངའི་སྦུབས་ཀྱིས་གཡོགས་པ། གྲུ་ཞིག་པ། དུག་གིས་ཕོག་པའི་ཟུག་རྡུས་ཡོངས་སུ་མྱོས་པར་བྱས་པ། མཁྲིས་པས
205b4 བརྒྱལ་ཞིང་སེམས་རྣམ་པར་འཕྲུལ་པར་བྱས་པས་ཉན་ཐོས་དང་། རང་སངས་རྒྱས་ཐམས་ཅད་དང་། སེམས་ཅན་ཐམས་ཅད་གསོ་བའི་ཆོ་ག་ཆེན་པོ་སྐྱུག་པ་དང་བཀྲུ་བའི་སྦྱོར་བ་དང་། གསང་སྔགས
205b5 དང་། ཡང་དག་པའི་རིག་སྔགས་བརྗོད་ཅིང་ཆུའི་བུམ་པ་ཐོགས་ཏེ་ཧ་ལ་ཧ་ལའི་དུག་གི་ཟུག་རྡུ་དབྱུང་བའི་དོན་དང་། ཡོངས་སུ་མྱ་ངན་ལས་འདས་པའི་སྒྲའི་བད་ཀན་དང་མཁྲིས་པ་སྙིང་ལ་ཞུགས་པ་གཅད
205b6 པའི་དོན་དང་། དེ་དག་གི་ལྟོ་རྣམ་པར་སྦྱང་བའི་དོན་དང་། དེ་དག་གི་དུག་གིས་སྐྲངས་པར་གྱུར་པ་གཏར་བའི་དོན་དང་། ཕྱེ་མ་ལེབ་དང་། སྦུར་བུ་ལྟ་བུར་གྱུར་པ་དེ་དག་དུག་གིས་ཕོག་པ་དང་འཆི་བ་ཡོངས
205b7 སུ་ཤེས་པར་བྱ་བའི་དོན་དང་། དེ་བཞིན་གཤེགས་པའི་རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བའི་ཡེ་ཤེས་སྣང་བའི་མར་མེ་གསལ་བར་བྱ་བའི་དོན་དང་། དེ་བཞིན་གཤེགས་པའི་རྟག
iiif viewer powered by OpenSeadragon
