| e-texts navigator |
| Wylie |
203b1 བྱ་བའི་དོན་དང་། མི་རྟག་པ་དང་། སྟོང་པ་དང་། ཡོངས་སུ་མྱ་ངན་ལས་འདའ་བ་དང་། བདག་མེད་པའི་བསྔགས་པ་བརྗོད་པའི་སེམས་ཅན་རྣམས་ལ་སངས་རྒྱས་ཀྱི་ཡོན་ཏན་གྱི་ཆེ་བ་ཉིད་ཡོངས་སུ
203b2 མྱ་ངན་ལས་འདས་པ་རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བའི་རང་བཞིན་གྱི་བདག་ཉིད་དུ་གནས་པར་ཡོངས་སུ་བརྟན་པའི་དོན་དང་། ཆོས་ནུབ་པར་འགྱུར་བར་སྨྲ་བའི་སེམས་ཅན
203b3 རྣམས་ལ་དམ་པའི་ཆོས་བསྟན་པའི་རང་བཞིན་གྱི་མིག་རྣམ་པར་སྦྱང་བའི་དོན་དང་། ལྷའི་གནས་ཀྱི་གཟུགས་ཐམས་ཅད་ལ་ལོག་པར་ལྟ་བའི་དུག་གིས་ཕོག་པའི་སེམས་ཅན་རྣམས་ལ་ཕྱིར་གསོ
203b4 བའི་ལས་ཆེན་པོའི་ཆོ་ག་སྐྱུག་སྨན་དང་། བཀྲུ་སྨན་གཏང་བའི་དོན་དང་། དེ་བཞིན་གཤེགས་པའི་ལྡེམ་པོ་ངག་ལ་སེམས་ཡོངས་སུ་རྨོངས་ཤིང་རྣམ་པར་འཁྲུལ་པའི་སེམས་ཅན་རྣམས་ལ་ཡང་དག
203b5 པའི་རིག་སྔགས་བརྗོད་ཅིང་ཆུའི་བུམ་པ་ཐོགས་པ་གསང་སྔགས་ཀྱི་སྤྱོད་པའི་ཆོ་གའི་སྨན་གནོད་སེལ་ལ་མཁས་པའི་སྨན་པ་ཆེན་པོ་ཡོངས་སུ་གཟུང་བའི་དོན་དང་། སྤྱོད་པ་དང་། ཀུན་ཏུ་རྒྱུ་དང་།
203b6 གཅེར་བུ་པ་ལ་སོགས་པ་འོས་མ་ཡིན་པའི་ལྷའི་གཟུགས་རྣམས་ལ་རྟག་པ་དང་། འོས་པའི་རང་བཞིན་དུ་འཛིན་པའི་དུག་གིས་བོག་པའི་སེམས་ཅན་རྟག་པ་དང་། འོས་པར་སྨྲ་བ་རྣམས་ལ་དུག
203b7 ཧ་ལ་ཧ་ལའི་ཟུག་རྡུ་དབྱུང་བའི་ཕྱིར་མི་རྟག་པ་དང་། འོས་མ་ཡིན་པ་དང་། ལྷ་མ་ཡིན་པའི་ལྟ་བ་མི་སྟོན་པར་བྱ་བའི་དོན་དང་། མི་རྟག་པ་དང་། འོས་མ་ཡིན་པ་དང་། ལྷ་མ་ཡིན་པའི་ལྟ་བ་རྣམ་པར
iiif viewer powered by OpenSeadragon
