| e-texts navigator |
| Wylie |
196a1 དང་སྐོམ་གྱིས་ཚིམ་པར་གྱུར་ཏེ། བདེ་བ་དང་བསིལ་བའི་རླུང་གིས་ཕོག་ནས་གཉིད་འོང་ཞིང་མངོན་པར་རྩེ་བར་གྱུར་ཏོ། །ཤ་ཟ་ཞིང་སྲིན་པོའི་རང་བཞིན་ལྟ་བུར་གྱུར་པའི་སེམས
196a2 ཅན་གང་ཡིན་པ་དེ་དག་ཐམས་ཅད་ཀྱང་ཤ་ཟ་བ་སྤངས་ཏེ་ཇི་སྲིད་འཚོའི་བར་དུ་ཚུལ་ཁྲིམས་བླངས་སོ། །ཡང་དེའི་ཚེ་སེམས་ཅན་གང་དག་བྱི་བོ་བྱེད་པ་དང་། རྐུ་འཕྲོག་ལ་ཞུགས་པ་གང་ཡིན་པ་དེ་དག་ཐམས
196a3 ཅད་ཀྱིས་ཀྱང་ཚུལ་ཁྲིམས་བླངས་ཏེ་དུལ་བ་དང་། ཡང་དག་པར་སྡོམ་པ་ལ་དགའ་བར་གྱུར་ཏོ། །དེ་ནས་ལས་མི་ཟད་པ་ཆེན་པོ་བཅུ་དྲུག་གིས་འཚོ་བ་དང་། ཤ་ཟ་དང་། བྱི་བོ་བྱེད་པ་དང་། མ་བྱིན་པར
196a4 ལེན་པ་ལ་ཞུགས་པའི་སེམས་ཅན་དེ་དག་གིས་རང་རང་གི་སེམས་རྗེས་སུ་དྲན་ནས་གར་བྱེད་ཅིང་གླུ་ལེན་ཏེ་སྲི་ཞུ་བྱ་བར་བརྩམས་སོ། །ཡང་དེའི་ཚེ་དེ་དག་དང་། གཞན་ཡང་ལྷ་དང་། ཀླུ་དང་། གནོད
196a5 སྦྱིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། དྲི་ཟ་དང་། ལྷ་མ་ཡིན་དང་། སྲིན་པོ་དང་། གྲུལ་བུམ་དང་། འབྱུང་པོ་དང་། གཅོད་བྱེད་ཀྱི་བུ་དང་། བརྒྱ་བྱིན་དང་། འཇིག་རྟེན
196a6 སྐྱོང་དང་། ཚངས་པ་དང་། ནགས་ཀྱི་ལྷ་དང་། བྱ་དང་། རིག་སྔགས་འཆང་དང་། འདོད་རྒུར་བསྒྱུར་བའི་གཟུགས་ཅན་གྱི་ལྷ་མོའི་ཚོགས་དུ་མ་དག་ཀྱང་ཆོས་ཀྱི་འདུ་སྟོན་གྱི་མཆོག་གི་དཀྱིལ
196a7 འཁོར་ཆེན་པོ་ཐོས་ཏེ་རབ་ཏུ་དགའ་བར་གྱུར་ནས་ཚུལ་ཁྲིམས་ཡོངས་སུ་དག་ཅིང་ཐེག་པ་ཆེན་པོ་རྒྱས་པར་བྱ་བར་འདོད་པས། མཚུངས་པ་མེད་པའི་མདོ་ཆེན་པོའི་སྒྲུབ་པ་གཟུང་བར་འདོད་པ། དམ
iiif viewer powered by OpenSeadragon
