| e-texts navigator |
| Wylie |
193a1 ཡང་དེའི་ཚེ་ནམ་མཁའ་ལས་སིལ་སྙན་སྟོང་གི་གླུ་དབྱངས་ལྟ་བུ་མཐུན་པ་དང་ནི་མཐུན་པའི་སྒྲ་མངོན་པར་གྲགས་སྟེ། སྟང་ཟིལ་གྱི་རི་ལྟ་བུར་འདུག་པའི་སྤྲིན་ཆེན
193a2 པོའི་ཚོགས་ལྷའི་རིན་པོ་ཆེའི་ཆུས་ཡོངས་སུ་རྒྱས་པ་དག་ཀྱང་བཅོམ་ལྡན་འདས་སེངྒེའི་སྒྲ་ཆེན་པོ་སྒྲོག་ཅིང་ཆོས་སྟོན་པ་གནོད་པའི་ཕྱིར་བསྟོད་དོ། །ཡང་དེའི་ཚེ་རླུང་གི་རྒྱལ་པོ་ཆེན་པོ་བཞི་ལ
193a3 འདི་ལྟ་སྟེ། རླུང་གི་རྒྱལ་པོ་ཆེན་པོ་རྣམ་པར་འཐོར་རླུང་ཞེས་བྱ་བ་དང་། རླུང་གི་རྒྱལ་པོ་ཆེན་པོ་རྣམ་པར་འཐོར་རླུང་ཆེན་པོ་ཞེས་བྱ་བ་དང་། རླུང་གི་རྒྱལ་པོ་ཆེན་པོ་ཤུགས་མ་ཉམས་པ་ཞེས་བྱ་བ་དང་།
193a4 རླུང་གི་རྒྱལ་པོ་ཆེན་པོ་འཇིགས་བྱེད་ཆེན་པོ་ཞེས་བྱ་བ་རྣམས་ལྷའི་བདེ་བའི་ལོངས་སྤྱོད་དང་། ཡོངས་སུ་སྤྱོད་པའི་དུས་ཚིགས་དྲུག་གི་བདེ་ཞིང་བསིལ་བའི་མེ་ཏོག་དང་རྣམ་པར་འདྲེས་པའི་དྲི
193a5 བསུང་ཞིམ་པོའི་ངང་གཏོང་ཞིང་། རླུང་གི་རྒྱལ་པོ་ཆེན་པོ་རྣམས་ཀྱིས་བཅོམ་ལྡན་འདས་ལ་སྲི་ཞུ་བྱ་བའི་ཕྱིར་སྤྲིན་ཆེན་པོ་རབ་ཏུ་འབྱེད་དོ། །བཅོམ་ལྡན་འདས་སེངྒེའི་སྒྲ་ཆེན་པོ་སྒྲོག་ཅིང
193a6 ཆོས་སྟོན་པ་མནོད་པའི་ཕྱིར་བསྟོད་དོ། །འཕགས་པ་སྤྲིན་ཆེན་པོའི་མདོ། བམ་པོ་གཉིས་པ། ཡང་དེའི་ཚེ་ངང་པའི་རྒྱལ་པོ་སེངྒེ་ལྟར་དཔའ་བ་ཞེས་བྱ་བ་ངང་པ་འབུམ་ཕྲག་དུ་མ་དང
193a7 ལ་ཧན་ཅིག་ཏུ་ཕྱེམ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་རང་རང་གི་འདབ་མ་ཐལ་མོའི་ཐབས་སུ་སྦྱར་ཏེ་བཅོམ་ལྡན་འདས་ཀྱི
iiif viewer powered by OpenSeadragon
