| e-texts navigator |
| Wylie |
178a1 པ་བས|་གང་གིས་ཆོས་ཀྱི་རྣམ་གྲངས་འདི་ཉན་ཏམ། འཛིན་ཏམ། འཆང་ངམ། ཀློག་གམ། ཀུན་ཆུབ་པར་བྱེད་དམ། གཞན་དག་ལའང་རྒྱ་ཆེར་སྟོན་ན། དེ་བས་འདི་བསོད
178a2 ནམས་ཆེས་མང་དུ་སྐྱེད་དོ། །དེ་ཅིའི་ཕྱིར་ཞེ་ན། རིགས་ཀྱི་བུ། དགེ་བ་བཅུའི་ལས་ཀྱི་ལམ་རྣམས་ནི། འདི་ལས་བྱུང་ངོ་། །རིགས་ཀྱི་བུ། གང་ལ་ལ་ཞིག་གིས་སྟོང་གསུམ་གྱི་སྟོང་ཆེན་པོའི
178a3 འཇིག་རྟེན་གྱི་ཁམས་སུ་གཏོགས་པའི་སེམས་ཅན་རྣམས་རྒྱུན་དུ་ཞུགས་པ་དང་། ལན་གཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་ཉིད་ཀྱི་འབྲས་བུ་ལ་བཀོད་པ་བས་ཀྱང
178a4 ཆོས་ཀྱི་རྣམ་གྲངས་འདི་ཉན་ཏམ། འཛིན་ཏམ། འཆང་ངམ། ཀློག་གམ། ཀུན་ཆུབ་པར་བྱེད་དམ། གཞན་དག་ལའང་རྒྱ་ཆེར་སྟོན་ན། དེ་བས་འདི་བསོད་ནམས་ཆེད་མང་དུ་སྐྱེད་དོ། །
178a5 དེ་ཅིའི་ཕྱིར་ཞེ་ན། རིགས་ཀྱི་བུ། ཆོས་འདི་ཉིད་ལ་བརྟེན་ན། ཉན་ཐོས་དང་། རང་སངས་རྒྱས་རྣམས་སྣང་བར་འགྱུར་རོ། །ཆོས་འདི་ཉིད་ལ་བརྟེན་ན་བྱང་ཆུབ་སེམས་དཔའ་རྣམས་སྣང
178a6 བར་འགྱུར་རོ། །ཆོས་འདི་ཉིད་ལ་བརྟེན་ན་དེ་བཞིན་གཤེགས་པ་རྣམས་འཇིག་རྟེན་དུ་འབྱུང་བར་འགྱུར་ཏེ། རིགས་ཀྱི་བུ། ཆོས་ཀྱི་རྣམ་གྲངས་འདི་བཟུང་བ་དང་། བཀླག་པ་དང་། སྤེལ་བ
178a7 དང་། ཁ་ཏོན་བྱས་པས་མདོ་སྡེ་ཐམས་ཅད་བཟུང་བ་དང་། བཀླག་པ་དང་། སྤེལ་བ་དང་། ཁ་ཏོན་བྱས་པར་འགྱུར་རོ། །དེ་ཅིའི་ཕྱིར་ཞེ་ན། རིགས་ཀྱི་བུ། འདི་ནི། ཆོས་ཐམས་ཅད་ཀྱི་མ་མོ
iiif viewer powered by OpenSeadragon
