| e-texts navigator |
| Wylie |
176b1 འཕྲུལ་ཆེ་བ། མཐུ་ཆེ་བ་སྟེ། རིགས་ཀྱི་བུ། ལྷ་མོ་མི་འཆི་བས་ཡང་དག་པར་ལེན་དུ་བཙུད་པ་དང་། གཟེངས་བསྟོད་པ་དང་། བྱང་ཆུབ་ཏུ་སེམས་བསྐྱེད་པ་ལས་ཡོངས་སུ་མྱ་ངན་ལས
176b2 འདས་པའི་སངས་རྒྱས་ནི། བྲང་བ་ལས་འདས་པ་ཞིག་ངས་མངོན་པར་ཤེས་ཏེ། རིགས་ཀྱི་བུ། དེ་ལྟར་ན། ལྷ་མོ་མི་འཆི་བ་ནི། རྫུ་འཕྲུལ་ཆེ་བ། མཐུ་ཆེ་བ་སྟེ། རིགས་ཀྱི་བུ། ལྷ་མོ་མི
176b3 འཆི་བ་འདི་ནི། བསྐལ་པ་བཟང་པོའི་སངས་རྒྱས་རྣམས་ལ་བསྙེན་བཀུར་བྱས་ནས་སངས་རྒྱས་ཀྱི་ཞིང་འདི་ཉིད་དུ་མངོན་པར་རྫོགས་པར་འཚང་རྒྱ་བར་འགྱུར་ཏེ། མངོན་པར་རྫོགས་པར
176b4 སངས་རྒྱས་ནས་ཀྱང་མི་འཆི་བ་ཞེས་བྱ་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་རོ། །དེ་ནས་བཅོམ་ལྡན་འདས་ཀྱིས་ལྷ་མོ་མི
176b5 འཆི་བ་ལ་བཀའ་སྩལ་པ། མི་འཆི་བ། ཁྱོད་ཀྱིས་རང་གི་སངས་རྒྱས་ཀྱི་ཞིང་སྟོན་ཅིག། དེ་ནས་ལྷ་མོ་མི་འཆི་བ་གཟུགས་ཐམས་ཅད་ཡོངས་སུ་སྟོན་པ་ཞེས་བྱ་བའི་ཏིང་ངེ
176b6 འཛིན་ལ་སྙོམས་པར་ཞུགས་པར་གྱུར་ཏེ། ལྷ་མོ་མི་འཆི་བ་གཟུགས་ཐམས་ཅད་ཡོངས་སུ་སྟོན་པའི་ཏིང་ངེ་འཛིན་དེ་ལ་སྙོམས་པར་ཞུགས་མ་ཐག་ཏུ་དེའི་ཚེ་སྟོང་གསུམ
176b7 གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ལག་མཐིལ་ལྟ་བུར་མཉམ་ཞིང་བཻ་ཌཱུཪྱའི་གཞིར་སྣང་བར་གྱུར་ཏེ། རི་ནག་པོ་མེད་ཅིང་ཤིང་ཐ་མལ་པ་མེད་ལ། གནས་གནས
iiif viewer powered by OpenSeadragon
