| e-texts navigator |
| Wylie |
176a1 གིས་བསྟན་པ་བདག་གིས་མངོན་པར་དྲན་ནོ། །བཅོམ་ལྡན་འདས་ཀྱིས་བཀའ་སྩལ་པ། མི་འཆི་བ། དེ་ལྟར་ཁྱོད་ཀྱིས་དཀོན་མཆོག་འབྱུང་བ་དེ་ལྟ་བུ
176a2 ཐོས་པར་གྱུར་པ་ནི། ཁྱོད་ཀྱིས་ཐོབ་པར་བྱ་བ་ལེགས་པར་ཐོབ་བོ། །དེ་ནས་འཁོར་དེར་ཚོགས་པའི་ནང་ན་ལྷའི་བུ་ཁ་ཅིག་འདི་སྙམ་དུ་སེམས་པར་གྱུར་ཏོ། །ལྷ་མོ་འདིས
176a3 ཇི་སྲིད་ཅིག་ནས་ཆོས་ཀྱིས་རྣམ་གྲངས་འདི་ཐོས་ནས་དེ་སྙེད་ཀྱི་དེ་བཞིན་གཤེགས་པ་མང་པོ་ལ་བསྙེན་བཀུར་བྱས་ཀྱང་འདི་བུད་མེད་ཀྱི་ལུས་ལས་མ་བསྒྱུར་སྙམ་པ་དང་། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྒྲིབ་པ་ཐམས་ཅད་རྣམ་པར་སེལ་བས།
176a4 ལྷའི་བུ་དེ་དག་གི་སེམས་ཀྱི་རྟོག་པ་སེམས་ཀྱིས་ཡོངས་སུ་ཤེས་ནས་བཅོམ
176a5 ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། དེ་ལྟར་ལྷ་མོ་མི་འཆི་བ་འདིས་ཆོས་ཀྱི་རྣམ་གྲངས་འདི་ལྟར་རྫུ་འཕྲུལ་ཆེ་བ་ཐོབ་ལ། དེ་བཞིན་གཤེགས་པ
176a6 དེ་སྙེད་དུ་མང་པ་ཞིག་བསྙེན་བཀུར་བགྱིས་ན། ཅིའི་རྒྱུ་ཅིའི་རྐྱེན་གྱིས་བུད་མེད་ཀྱི་ལུས་ལས་མ་བསྒྱུར། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ། འདི་ལ་སེམས
176a7 ཅན་གྱི་དོན་ནི། རྒྱུའོ། །སེམས་ཅན་གྱི་དོན་ནི། རྐྱེན་ཏེ། །དེ་ཅིའི་ཕྱིར་ཞེ་ན། རིགས་ཀྱི་བུ། ལྷ་མི་འཆི་བ་ནི། རྣམ་པར་ཐར་པ་བསམ་གྱིས་མི་ཁྱབ་པ་ལ་གནས་པ། རྫུ
iiif viewer powered by OpenSeadragon
