| e-texts navigator |
| Wylie |
175b1 པར་འདུ་བྱ་བ་འདི་བྱུང་བའི་ཚེ་བྱང་ཆུབ་སེམས་དཔའ་བྱེ་བ་ཁྲག་ཁྲིག་བདུན་ཅུ་རྩ་གཉིས་ཀྱིས་མི་སྐྱེ་བའི་ཆོས་ལ་བཅོད་པ་ཐོབ་བོ། །སྲོག་ཆགས་བྱེ་བ་ཁྲག་ཁྲིག་བརྒྱ་སྟོང
175b2 དུ་མའང་ཆོས་རྣམས་ལས་དྲུ་ལ་མེད་ཅིང་དྲི་མ་དང་བྲལ་བ་ཆོས་ཀྱི་མིག་རྣམས་པར་དག་གོ། སྲོག་ཆགས་བྱེ་བ་ཁྲག་ཁྲིག་བརྒྱ་སྟོང་དུ་མས་ཀྱང་སྔོན་ཆད་མ་བསྐྱེད་པ་ལས་བྱང
175b3 ཆུབ་ཏུ་སེམས་བསྐྱེད་པར་གྱུར་ཏོ། །དེ་ནས་ག་ཡ་མགོའི་རི་ལ་གནས་པའི་ལྷ་མོ་མི་འཆི་བ་ཞེས་བྱ་བ་དཔུང་དང་བཅས། འཁོར་དང་བཅས་ཏེ་འཁོར་འདུས་པ་དེ་ཉིད་དུ
175b4 འ་དུས་ཤིང་འདུག་འདུག་པ་ལས་དེ་སྟན་ལས་ལངས་ནས་བདག་གི་གནས་སུ་སོང་སྟེ་བཅོམ་ལྡན་འདས་ཀྱི་མཆོད་པ་བླངས་ནས་ཕྱིར་བཅོམ་ལྡན་འདས་ཀྱི་སྤྱན་སྔར་ཕྱིན
175b5 ཏེ་བཅོམ་ལྡན་འདས་ལ་བཀུར་སྟིར་བྱས། བཙུན་པ་བྱས། རི་མོར་བྱས། མཆོད་པ་བྱས། བསྟི་སྟང་བྱས། རིམ་གྲོར་བྱས་སོ། །བཀུར་སྟི་དང་། བཙུན་པ་དང་། རི་མོ་དང་།
175b6 མཆོད་པ་དང་། བསྟི་སྟང་དང་། རིམ་གྲོ་བྱས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། ཚེ་རབས་གཞན་དེ་དང་དེ་དག་ལ་ག་ཡ་མགོའི
175b7 རི་འདི་ཉིད་དུ་ཆོས་ཀྱི་རྣམ་གྲངས་འདི་སངས་རྒྱས་སྟོང་ཕྲག་བདུན་ཅུ་རྩ་གཉིས་ཀྱིས་དོན་འདི་ཉིད་དག་དང་། ཚུལ་འདི་ཉིད་དག་དང་། ཚིག་དང་ཡི་གེ་འདི་ཉིད་དག
iiif viewer powered by OpenSeadragon
