| e-texts navigator |
| Wylie |
475b1 ཅན་རྣམས་ཡོངས་སུ་སྨིན་པར་བགྱིད་པ་དང་། སྡིག་པ་ལས་ཟློག་པར་བགྱིད་པ་དང་། བྱང་ཆུབ་ཀྱི་སེམས་ལ་དགོད་པར་རྡོ་ཐོགས་པ་དང་། གང་གིས་འདིར་སེམས་ཅན་དེ་དག་ཐམས་ཅད་ཀྱིས་ངན
475b2 སོང་རྣམས་ཡོངས་སུ་སྤངས་ནས་མཐོ་རིས་ལ་གཞོལ་བར་འགྱུར་བ་དང་། གང་གིས་དཔལ་ལྷ་མོ་ཆེན་མོ་དེའི་བསམ་པ་ཡོངས་སུ་རྫོགས་པར་འགྱུར་བ་དེ་ལྟར་ཕྱོགས་བཅུ་ན་གང་དག་དེ་བཞིན་གཤེགས
475b3 པ་མ་ལུས་པར་བཞུགས་ཤིང་འཚོ་ལ་གཞེས་པ་ཐམས་ཅད་འདིར་དགོངས་སུ་གསོལ། །ཏདྱ་ཐཱ། མུ་ནི་ཤི་བ། མུ་ནི་ན་ཏྲེ། མུ་ནི་པ་ལེ། མུ་ནི་ས་ལེ། སནྟ་ཨུ་ས་ཀྵི་ཏི། ཀྵ་ནུ་པྲ་ཎ་ནཱི་ལ་བ་ཡ་སརྦ་བི་ཛ་བ
475b4 སྟི་ལ་ལི་སྭཱཧཱ། དེ་ནས་བཅོམ་ལྡན་འདས་ཀྱིས་ལེགས་སོ། །ཞེས་བྱ་བ་གནང་ནས་དཔལ་ལྷ་མོ་ཆེན་མོ་ལ་འདི་སྐད་ཅེས་བཀའ་སྩལ་ཏོ། །དཔལ་ཆོ་ག་ཤེས། ཁྱོད་ཀྱིས་གླིང་བཞི་པ་འདིར་ས་བོན་དང་།
475b5 མྱུ་གུ་དང་། ལོ་ཏོག་འཕེལ་བར་བྱ་བ་དང་། སེམས་ཅན་ཡོངས་སུ་སྨིན་པར་བྱ་བའི་ཕྱིར་ཁྱོད་ནི། སངས་རྒྱས་བཅོམ་ལྡན་འདས་འཁོར་ཚོགས་པ་དང་བཅས་པ་མ་ལུས་པ་ཐམས་ཅད་ཀྱིས་བྱིན
475b6 གྱིས་བརླབས་སོ། །དེ་ནས་ལྷའི་དབང་པོ་བརྒྱ་བྱིན་ཀཽ་ཤི་ཀས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། ཆོས་ཀྱི་རྣམ་གྲངས་འདིའི་མིང་ཅི་ལགས། ཆོས་ཀྱི་རྣམ་གྲངས
475b7 འདི་ཇི་ལྟར་གཟུང་བར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་གཤེགས་པའི་དཔལ་གྱི་དམ་ཚིག་ཅེས་བྱའོ། །རིའི་སྙིང་པོས་ཞུས་པ་ཞེས་བྱའོ། །གཟུངས་ཀྱི་ཟ་མ་ཏོག
iiif viewer powered by OpenSeadragon
