| e-texts navigator |
| Wylie |
474b1 བ་ཐམས་ཅད་མི་འཚལ་ཞིང་། །བཟོད་རླག་ལས་ལ་སྤྱོད་པར་བགྱིད། །མི་དགེ་བ་ལ་གནས་བགྱིད་པ། །ཕ་མ་དག་ལ་རིམ་གྲོ་ཆུང་། །གང་དག་མཚམས་མ་མཆིས་བགྱིས་པ། །དཀོན་མཆོག་གསུམ་ལ་བརྙས
474b2 པར་བགྱིད། །སྙིང་བརྩེ་སྙིང་རྗེ་མ་མཆིས་པ། །འཇིགས་བགྱིད་གཏུམ་པོ་དྲག་ཤུལ་ཅན། །ཁྲོ་སེམས་དབང་གིས་དེ་དག་ནི། །སེམས་དམྱལ་མནར་མ་མཆིས་པར་གནས། །སེམས་ཅན་འདི་དག་ཁྲོ་བའི་རྒྱུས།།
474b3 གཅིག་ལ་གཅིག་ནི་ཟ་བར་བགྱིད། །ཡང་དང་ཡང་ནི་ངན་སོང་དུ། །སྡུག་བསྔལ་དུ་མས་རབ་ཏུ་གཟིར། །སྡིག་པའི་སེམས་ཀྱིས་བྲིད་གྱུར་ཅིང་། །དགེ་བའི་བཤེས་གཉེན་སྤངས་ནས་ཀྱང་། །སྲིད་པའི་མཚོར
474b4 ནི་ལྟུང་བ་སྟེ། །མུན་པ་མུན་ནག་གཞོལ་བ་པོ། །དེ་འདྲའི་སེམས་ཅན་དོན་སླད་དུ། །བྱང་ཆུབ་སེམས་དཔའི་སྙིང་བརྩེ་བའི། །བསམ་པས་བདག་བདེ་བཏང་ནས་ཀྱང་། །སེམས་ཅན་སྡིག་པ་བསལ་སླད་དུ། །
474b5 བྱང་ཆུབ་སྤྱད་པ་སྤྱོད་པ་ན། །བསོད་ནམས་བགྱི་བའི་དངོས་སུམ་གྱིས། །སྡིག་པའི་སེམས་ཅན་གྲོལ་བགྱིད་ཅིང་། །ཆོས་ཀྱི་རྒྱལ་མཚན་སྒྲེང་བར་བགྱིད། །སེམས་ཅན་འགའ་ཡི་དོན་སླད་དུ། །ལུས་དང་སྲོག
474b6 དག་བཏང་ནས་ཀྱང་། །དཀའ་ཐུབ་བརྟུལ་ཞུགས་སྤྱད་ལྡན་པ། །དཀའ་བ་དག་ནི་མང་དུ་སྤྱད། །གང་ཚེ་སེམས་ཅན་འགའ་སླད་དུ། །བསྐལ་བརྒྱར་སྡུག་བསྔལ་སེལ་བགྱིད་ན། །སེམས་ཅན་རྣམས་སླད་ཡུན་རིང་དུ།
474b7 འཁོར་བར་སྡུག་བསྔལ་བཟོད་པར་བགྱི། །སེམས་ཅན་ཡོངས་སུ་སྨིན་སླད་གནས། །དེ་འདྲའི་བསམ་དང་ལྡན་པ་ཡིས། །སེམས་ཅན་སྲིད་པའི་བསམ་པ་ཅན། །སེམས་ནི་བྱང་ཆུབ་མངོན་བགྱིད་སྩལ། །དེ་ནས
iiif viewer powered by OpenSeadragon
