| e-texts navigator |
| Wylie |
473b1 མཚམས་མེད་པ་དག་གི་བར་དུ་ཀུན་ཏུ་སྤྱོད་པར་བྱེད་དེ། དེ་བསྐལ་པ་མང་པོ་ཞིག་གི་བར་དུ་ཕྱིས་མིར་སྐྱེ་བ་ཐོབ་པར་མི་འགྱུར་རོ། །གལ་ཏེ་དེ་དག་ཡུན་རིང་པོ་འདས་ནས་བརྒྱ་ལ་བརྒྱ་ལ་མ
473b2 ན་མིའི་ལུས་ཐོབ་ནས་ཡང་ཁ་ཅིག་ནི། ཡན་ལག་ཉམས་པར་འགྱུར་རོ། །ཁ་ཅིག་ནི། དྲན་པ་ཉམས་པར་འགྱུར་རོ། །གདོལ་བའི་རིགས་སུ་ཡང་སྐྱེ་བར་འགྱུར་རོ། །གཡུང་པོའི་རིགས་དང་།
473b3 སྨྱིག་མ་མཁན་གྱི་རིགས་དང་། བཀྲེན་པ་དབུལ་པོའི་རིགས་རྣམས་སུའང་སྐྱེ་བར་འགྱུར་རོ། །བཟའ་བ་དང་བཏུང་བའི་ལོངས་སྤྱོད་དང་། ཡོངས་སུ་སྤྱོད་པ་དག་དང་ཡང་བྲལ་བར་འགྱུར་ལ།
473b4 ཡང་རྒྱུ་དེས་ན་དགེ་བའི་བཤེས་གཉེན་དང་བྲལ་བས་ལུས་དང་། ངག་དང་། ཡིད་ཀྱི་སྒྲིབ་པ་མི་བཟད་པ་དག་ཀུན་ཏུ་སྤྱོད་པར་བྱེད་དོ། །ཡང་ཁ་ཅིག་ངན་སོང་གསུམ་པོ་དང་། མནར་མེད་པ་དག
473b5 ཏུའང་གཞོལ་བར་འགྱུར་རོ། །རིགས་ཀྱི་བུ། དེ་ལྟར་ལོངས་སྤྱོད་དང་། ཉེ་བར་སྤྱོད་པ་དང་མི་ལྡན་པའི་སེམས་ཅན་རྣམས་འཁོར་བར་ཡུན་རིང་དུ་ཉམ་ཐག་པར་འགྱུར་རོ། །ངན་སོང་གསུམ་པོ
473b6 དག་ཏུ་སྡུག་བསྔལ་མི་བཟད་པ་སྣ་ཚོགས་དག་ཉམས་སུ་མྱོང་བར་འགྱུར་རོ། །གསོལ་པ། སྡུག་བསྔལ་གང་ཅུང་ཟད་ཅི་བྱུང་བ་ཐམས་ཅད་ནི། ཟས་ཀྱི་རྐྱེན་ལས་གྱུར་པ་ལགས་ཏེ། ཟས
473b7 མ་མཆིས་ན་སྡུག་བསྔལ་འབྱུང་བའང་མ་མཆིས་ལགས་སོ། །དེ་ནས་དེའི་ཚེ་བརྒྱ་བྱིན་གཟི་བརྗིད་དྲི་མ་མེད་པས་ཚིགས་སུ་བཅད་དེ་འདི་སྐད་ཅེས་གསོལ་ཏོ། །སྲེད་པའི་དུག་གིས་བསྒྱུར་བས་ན།
iiif viewer powered by OpenSeadragon
