| e-texts navigator |
| Wylie |
472b1 བཤེས་གཉེན་གྱིས་ཡོངས་སུ་ཟིན་པ། བརྩོན་འགྲུས་བརྩམས་པ་ནི། ཐམས་ཅད་མཁྱེན་པའི་ཡེ་ཤེས་ལ་ཤིན་ཏུ་གནས་པར་བལྟ་བར་བགྱི་ལགས་སོ། །བཅོམ་ལྡན་འདས་ཀྱིས་བཀའ
472b2 སྩལ་པ|་དཔལ་ཆོ་ག་ཤེས། ཁྱོད་ཀྱིས་ཇི་སྐད་སྨྲས་པ་དེ་ལྟར་ཡིན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི། སྨོན་ལམ་གྱི་ཁྱད་པར་གྱིས་སེམས་ཅན་ཡོངས་སུ་སྨིན་པར
472b3 བྱ་བའི་ཕྱིར་སངས་རྒྱས་ཀྱི་ཞིང་སྙིགས་མ་ལྡ་དང་ལྡན་པ་ཐམས་ཅད་དུ་དེ་ལྟ་བུར་སྐྱེ་བ་ལེན་ལ། བསྡུ་བའི་དངོས་པོ་བཞི་པོ་དག་ལ་བརྩོན་ཞིང་དེར་བརྩོན་པ་བརྟན་པ་དང་། བརྩོན་འགྲུས་བརྩམས
472b4 པ་ཡིན་ནོ། །གྲོགས་དགེ་བའི་བཤེས་གཉེན་དེ་ལྟ་བུས་ཡོངས་སུ་ཟིན་པ་ཡིན་ནོ། །རྣམ་པ་ཐམས་ཅད་མཁྱེན་པའི་ཡེ་ཤེས་དེའི་ལག་ཏུ་ཐོབ་པ་ཡིན་ཏེ། དེའི་ཕ་རོལ་ཏུ་ཕྱིན་པ་དྲུག་ཡོངས་སུ
472b5 རྫོགས་པའང་བརྗོད་པར་བྱའོ། །དེས་རྣམ་པར་གནོན་པའང་བརྗོད་པར་བྱའོ། །མངལ་གྱི་སྐྱོན་ལས་ཐར་པར་ཡང་བརྗོད་པར་བྱའོ། །མི་སློབ་པའི་ས་ལ་གནས་པས་ཟག་པ་ཟད་པར་ཡང་བརྗོད
472b6 པར་བྱའོ། །དེ་སངས་རྒྱས་བཅོམ་ལྡན་འདས་ཐམས་ཅད་ཀྱིས་དགོངས་པ་དང་། བྱིན་གྱིས་བརླབས་པར་ཡང་བརྗོད་པར་བྱའོ། །འདོད་ཆགས་དང་བྲལ་བའི་ས་ལ་ཤིན་ཏུ་གནས་པར་བརྗོད་པར
472b7 བྱའོ། །དེ་ནས་བརྒྱ་བྱིན་གཟི་བརྗིད་དྲི་མ་མེད་པ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ཅིའི་སླད་དུ་འཚོ་བའི
iiif viewer powered by OpenSeadragon
