| e-texts navigator |
| Wylie |
472a1 བསྒྲུབ་པར་བགྱི་ལགས་སོ། །གང་ན་གཟུངས་ཆེན་པོ་འདི་རབ་ཏུ་སྒྲོག་པ་དེར་ནང་ཕན་ཚུན་སེམས་མཐུན་པར་བསྒྲུབ་པར་བགྱི་ལགས་སོ། །དེ་ནས་བཅོམ་ལྡན་འདས་ཀྱིས
472a2 ཀླུ་དེ་དག་ཐམས་ཅད་ལ་ལེགས་སོ་ལེགས་སོ་ཞེས་བྱ་བ་གནང་ངོ་། །ཐམས་ཅད་དང་ལྡན་པའི་འཁོར་ཇི་སྙེད་ལྷགས་པ་རྣམས་ཀྱིས་ཀྱང་ལེགས་སོ། །ཞེས་བྱ་བ་བྱིན་ནོ། །དེ་ནས་བྱང་ཆུབ
472a3 སེམས་དཔའ་རིའི་སྙིང་པོས་ཀྱང་ལེགས་སོ། །ཞེས་བྱ་བ་བྱིན་ནོ། །དེ་ནས་བཅོམ་ལྡན་འདས་ཀྱིས་དཔལ་ལྷ་མོ་ཆེན་མོ་ལ་འདི་སྐད་ཅེས་བཀའ་སྩལ་ཏོ། །དཔལ་ཆོ་ག་ཤེས། ཁྱོད་ལ་སྙིང
472a4 བརྩེ་བའི་གྲོགས་འདི་དག་ཡོད་ན། འདིར་སེམས་ཅན་ཡོངས་སུ་སྨིན་པར་བྱ་བའི་ཕྱིར་ད་དུང་དུ་ཅིའི་ཕྱིར་གདུལ་བའི་ཚོགས་རྣམས་གཞུག་པར་མི་ནུས། དཔལ་ལྷ་མོ་ཆེན་མོས་གསོལ་པ།
472a5 བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི། སྨོན་ལམ་གྱི་ཁྱད་པར་གྱིས་སངས་རྒྱས་ཀྱི་ཞིང་སྙིགས་མ་ལྡ་དང་ལྡན་པ་ཐམས་ཅད་དུ་དེ་ལྟ་བུར་སྐྱེ་བ་ལེན་ཅིང་གྲོགས་དགེ་བའི
472a6 བཤེས་གཉེན་མཐུན་པ་དེ་ལྟ་བུ་དག་དང་ཕྲད་པ་ཐོབ་ལགས་སོ། །ད་ལྟར་བདག་ཀྱང་གྲོགས་དགེ་བའི་བཤེས་གཉེན་མཐུན་པ་ཁྱོད་ལྟ་བུ་དང་ཕྲད་པ་ལགས་སོ། །བླ་ན་མེད་པ་ཡང་དག་པར
472a7 རྫོགས་པའི་བྱང་ཆུབ་ཀྱང་དེའི་ལག་ཏུ་ཐོབ་སྟེ། དེའི་ཕ་རོལ་ཏུ་ཕྱིན་པ་དྲུག་ཀྱང་ཡོངས་སུ་རྫོགས་པ་བརྗོད་པར་བགྱི་ལགས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི
iiif viewer powered by OpenSeadragon
