| e-texts navigator |
| Wylie |
471b1 གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། རི་བྲག་གི་གནས་གང་དང་གང་དག་ཏུ་རེ་རེ་ཙམ་ཡང་སྟོན་ཏམ། འཆད་དམ། རབ་ཏུ་སྒྲོག་གམ། དྲན་པར་བགྱིད་པ་དེ་དང་དེ་དག་ཏུ་བདག་ཅག
471b2 གིས་དུས་དུས་སུ་ཆར་འབེབས་པ་དང་། གདུགས་དང་། བསེར་མ་དག་གཏོང་བར་བགྱིའོ། །དུས་མ་ལགས་པར་ནི་མ་ལགས་སོ། །དེ་དང་དེར་བདག་ཅག་གིས་ཕྱི་དགྲ་དང་། ནང་འཁྲུག་དང་།
471b3 འཐབ་མོ་དང་། རྩོད་པ་དང་། གནོད་སེམས་དང་། ནད་དང་། མི་ངས་དང་། མུ་གེ་དག་རབ་ཏུ་ཞི་བར་བགྱི་ལགས་སོ། །དེ་དང་དེར་བདག་ཅག་གིས་སྐྱིད་པ་དང་། ལོ་ལེགས་པ་དང་། དགའ་བར་འགྱུར
471b4 བ་དག་བསྒྲུབ་པར་བགྱི་ལགས་སོ། །དེ་དང་དེར་སེམས་ཅན་རྣམས་ཀྱི་ས་བོན་དང་། མྱུ་གུ་དང་། སྡོང་བུ་དང་། འདབ་མ་དང་། མེ་ཏོག་དང་། འབྲས་བུ་དང་། ཤིང་དང་། སྨན་དང་། རོ་དག་མི་ཉམས
471b5 པར་འཕེལ་བར་བགྱི་ལགས་སོ། །ལོངས་སྤྱོད་དང་། ཡོངས་སུ་སྤྱོད་པ་ཕལ་ཆེར་དྲི་ཞིམ་པ་དང་། རོ་ཞིམ་པ་དང་། སྣུམ་པ་དང་། འཇམ་པ་དག་ཏུ་བསྒྲུབ་པར་བགྱི་ལགས་སོ། །བདག་ཅག་གིས
471b6 འཛམ་བུའི་གླིང་འདིའི་རྒྱལ་པོ་རྣམས་ཀྱང་གཅིག་ལ་གཅིག་བྱམས་པའི་སེམས་དང་། ཕན་པའི་སེམས་དང་། འཁོན་མ་མཆིས་པའི་སེམས་དང་། རྩོད་པ་མ་མཆིས་པའི་སེམས་སུ་བསྒྲུབ
471b7 པར་བགྱི་ལགས་སོ། །དེ་བཞིན་དུ་བྲམ་ཟེའི་རིགས་དང་། རྗེའུ་རིགས་དང་། དམངས་རིགས་དང་། གནོད་སྦྱིན་རྣམས་ནས་དགེ་བསྙེན་དག་གི་བར་དག་ཏུ་བྱམས་པའི་སེམས་དང་ལྡན་པར
iiif viewer powered by OpenSeadragon
