| e-texts navigator |
| Wylie |
470b1 གནས་པར་ཡང་འགྱུར་ན། མིར་གྱུར་པ་རྣམས་ལ་ལྟ་སྨོས་ཀྱང་ཅི་དགོས། སེམས་ཅན་ལ་ལ་དག་གིས་ཆར་དབབ་པའི་ཕྱིར་དྲི་ཟ་དང་། ཀླུའི་གནས་དག་ཏུ་གཟུངས་ཆེན་པོ་འདི་བཟླས
470b2 བརྗོད་བྱས་ཏེ། ན་ལེ་ཤམ་གྱི་ཕྱེ་མ་དང་། ཨེ་རཎྜའི་མར་དུ་བསྲེས་པ་ལ་དེས་ལན་སྟོང་དུ་བསྔགས་ནས་གོས་ཀྱི་མཐའ་མར་ཕུར་མ་བྱས་ཏེ་ཁྲོན་པར་བཅུག་ན། དེས་ན་དེ་ལ་ཀླུ་རྣམས
470b3 དགའ་བར་འགྱུར་ཏེ། ཆར་གྱི་རྒྱུན་ཆེན་པོའང་འབེབས་པར་བྱེད་དོ། །དེའི་ཚེ་ཡུལ་དེར་འདུས་པའི་ཀླུ་དང་། ཀླུ་ཆེན་པོ་རྣམས་ཀྱིས་དཔལ་མེ་ཏོག་གསར་བ་ཞེས་བྱ་བའི་གཟུངས་ཆེན་པོ
470b4 འདི་ཐོས་ནས་སེམས་རངས་པ་དང་། སྡང་སེམས་མེད་པ་དང་། སེམས་རབ་ཏུ་དགའ་བ་དང་། སེམས་བྱམས་པ་དང་ལྡན་པ་དང་། སེམས་འཇིག་རྟེན་ཕ་རོལ་ལ་ལྟ་བར་གནས་པར
470b5 གྱུར་ཏོ|་|སེམས་དཀོན་མཆོག་གསུམ་ལ་དད་ཅིང་བཀུར་སྟི་དང་། བླ་མར་བྱེད་པ་དང་། རི་མོར་བྱེད་པ་དག་ཐོབ་པར་གྱུར་ཏོ། །སེམས་དུད་འགྲོར་སྐྱེ་བའི་རང་གི་སྡིག་པའི་ལས་དག་རབ་ཏུ
470b6 འཆགས་པ་དང་། སེམས་ཐེག་པ་ཆེན་པོ་བླ་ན་མེད་པ་ལ་འཇུག་པར་གནས་པར་གྱུར་ཏོ། །ཀླུ་དང་། ཀླུ་ཆེན་པོ་དེ་དག་ཐམས་ཅད་ཀྱི་ནད་ནས་མཐུ་ཅི་ཡོད་པ་དང་། ཅི་ནུས་པ་དག་གིས་དེ་ན
470b7 བཅོམ་ལྡན་འདས་ལ་མཆོད་པ་བྱ་བའི་ཕྱིར་ཁ་ཅིག་ནི། གསེར་མང་པོའི་ཆར་མངོན་པར་འབེབས་སོ། །ཁ་ཅིག་ནི། དངུལ་དང་། ཨ་ག་རུ་དང་། རྒྱ་སྤོས་དང་། གཽ་ཤིཪྴ་དང་། ཙནྡ་སྦྲུལ
iiif viewer powered by OpenSeadragon
