| e-texts navigator |
| Wylie |
467b1 གསོལ|་དེ་ནི། མཐུ་ཆེ་ཞིང་སྟོབས་ཆེ་ལ་ཕ་རོལ་གནོན་པ་སྣད་པར་བགྱིད་པ་ཆེན་པོ་ལགས་ཏེ། བཅོམ་ལྡན་འདས་ཀྱི་ཉན་ཐོས་རྣམས་ཀྱི་ཐོས་པ་ཡོངས་སུ་རྫོགས་པར་བགྱིད་པའི་གཏེར
467b2 དང་། ཡེ་ཤེས་ཡོངས་སུ་རྫོགས་པར་བགྱིད་པའི་གཏར་དུ་འགྱུར་བ་ལགས་སོ། །བཙུན་པ་བཅོམ་ལྡན་འདས། བཅོམ་ལྡན་འདས་ཀྱི་སླད་དུ་ཇི་སྲིད་འཚོའི་བར་དུ་སྡོམ་པ་ལ་གནས་པ་འདི་ལྟ་སྟེ། དགེ
467b3 བསྙེན་གྱི་སྡོམ་པ་དང་། དགེ་སྦྱོང་གི་སྡོམ་པ་དང་། བསྙེན་པར་རྫོགས་པའི་སྡོམ་པ་ལ་གནས་པ་སྣོད་དུ་གྱུར་པ་དང་། སྣོད་དུ་མ་གྱུར་པ་དག་གིས་གདུགས་དང་རྒྱལ་མཚན་གྱི་སྨོན་ལམ་གྱི་ཚུལ
467b4 ཞེས་བགྱི་བའི་གཟུངས་ཆེན་པོ་འདི་ལྷག་མཐོང་གི་སྦྱོར་བས་ཉིན་མཚན་བདུན་གྱི་བར་དུ་ཀློག་ན། ཕྱིར་ཞིང་ཉེ་བར་ལེན་པའི་ཕུང་པོ་ལྔ་པོ་དེ་དག་ལ་རྟོག་པར་འགྱུར་རོ། །ཉིན་མཚན་བདུན་འདས
467b5 ནས་གདུགས་དང་རྒྱལ་མཚན་གྱི་སྨོན་ལམ་ཞེས་བགྱི་བའི་གཟུངས་ཆེན་པོ་ལན་འབུམ་སྙེད་དུ་ཡང་ཡང་དྲན་པར་བགྱིད་པ་དེ་ནི། རྒྱལ་རིགས་རྣམས་དང་། བྲམ་ཟེའི་རིགས་རྣམས་དང་། རྗེའུ་རིགས་རྣམས
467b6 དང་། དམངས་རིགས་རྣམས་དད་པར་བགྱིད་པ་ནས་སེམས་ཅན་ཐམས་ཅད་ཀྱི་བར་དུ་ཤིན་ཏུ་མངོན་པར་དད་པར་བགྱིད་པ་ལགས་སོ། །ཐམས་ཅད་ལོངས་སྤྱོད་པ་དང་། ཡོངས་སུ་སྤྱོད་པ་རྒྱ་ཆེན་པོ
467b7 མཆོག་དང་མི་འབྲལ་ཞིང་མཐོ་རིས་ལ་གཞོལ་བར་འགྱུར་ལགས་སོ། །དེ་སངས་རྒྱས་བཅོམ་ལྡན་འདས་བཞུགས་པ་རྣམས་དང་སྐལ་བ་མཉམ་པར་སྐྱེ་བར་འགྱུར་ལགས་སོ། །ཏདྱ་ཐཱ། ཏྲི་ནི་ས་ཉི་ཀེ།
iiif viewer powered by OpenSeadragon
