| e-texts navigator |
| Wylie |
465a1 ཆར་དང་། སེར་དྲག་དང་། ཆར་མོ་ཆེ་དང་། ཐན་ཆེན་དག་གཏོང་བར་བགྱིད་དམ། ལྷགས་མོ་ཆེ་དང་། ཤིན་ཏུ་ཚ་བ་དག་འབྱུང་བར་བགྱིད་དམ། སེམས་ཅན
465a2 རྣམས་ཀྱི་ལོ་ཏོག་དང་། ལོ་མ་དང་། མེ་ཏོག་དང་། འབྲས་བུ་དང་། འབྲུ་དང་། སྨན་གྱི་རོ་དང་། ལོངས་སྤྱོད་དང་། ཡོངས་སུ་སྤྱོད་པ་དག་ཆབ་འཚལ་བར་བགྱིད་ན། ཀླུ་དེ་དག་གིས་བདག་ཅག
465a3 བསླུས་པས་དེ་དག་ཐམས་ཅད་ཀྱི་ལུས་འཁུམས་པར་གྱུར་ཅིག་། དེ་དག་རྫུ་འཕྲུལ་ཉམས་ནས་འགྲོ་མི་ནུས་པར་གྱུར་ཅིག་།རིམས་ནད་ཀྱིས་ཀུན་ཏུ་གདུངས་པར་གྱུར་ཅིག་།དབང་པོ
465a4 ཐམས་ཅད་མ་ཚང་བར་གྱུར་ཅིག་། ལོངས་སྤྱོད་དང་། ཡོངས་སུ་སྤྱོད་པ་ཐམས་ཅད་དང་བྲལ་བར་གྱུར་ཅིག་།ལས་བྱེད་མི་ནུས་པར་གྱུར་ཅིག་།ཏདྱ་ཐཱ། བུདྷ་ཛ་ཡེ། བ་ལེ་ཀྵེ། ཨ་མ
465a5 ན་མེ|་བྷུ་ཏ་ས་ལི་ལེ། ཨ་ན་མ་དྡྷྱ། པྲ་ཏྱ་ནི་ལེ། ཨ་བ་ནི་ལ་མེ། ཁི་ལ་ཤོ་མེ། ན་སྟུ་བི་པ་ལེ། ཛི་ས་ཛ་ཧཱ། སྐནྡྷ་བ་ལེ། བྷ་ར་ནི་ཀྲི་ཡེ་སྭཱཧཱ། དེར་ཐམས་ཅད་དང་ལྡན་པའི་འཁོར་ཇི་སྙེད
465a6 ལྷགས་པ་རྣམས་བཞིན་དང་མིག་ཡིད་དུ་འོང་བས་ཤིན་ཏུ་དགོད་ཅིང་ཐལ་མོ་སྦྱར་ནས་ལེགས་སོ། །ཞེས་བྱ་བ་བྱིན་ཏེ། འདི་སྐད་དུ་སྐྱེས་བུ་དམ་པ་ཁྱོད་སེམས་ཅན་ཐམས་ཅད་ལ་ཕན
465a7 པར་འདོད་པ་ཡིན་ཏེ། སྐྱེས་བུ་དམ་པ་ཁྱོད་ཀྱིས་དེ་ལྟར་བྱ་བ་ནི། ལེགས་སོ་ལེགས་སོ། །ཞེས་སྨྲས་ནས་ཐམས་ཅད་དང་ལྡན་པའི་ཀླུའི་འཁོར་དེ་དག་ཤུགས་དྲག་པོས་འཁྲུགས་ཤིང་དངངས
iiif viewer powered by OpenSeadragon
