| e-texts navigator |
| Wylie |
464b1 སོ|་|དེ་ལྟ་ལགས་པས་བདག་ཅག་འཁོར་དང་བཅས་པ་བཅོམ་ལྡན་འདས་ཀྱི་བཀའ་ལ་ཤིན་ཏུ་གནས་པར་བགྱིད་ལགས་སོ། །གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། རི
464b2 བྲགས་ཀྱི་གནས་གང་དང་གང་ན་སེམས་ཅན་ཉན་ཐོས་ཀྱི་ཐེག་པ་པ་དང་། རང་སངས་རྒྱས་ཀྱི་ཐེག་པ་པ་དང་། ཐེག་པ་ཆེན་པོ་པ་དག་ཁྱིམ་ན་གནས་པའམ། རབ་ཏུ་བྱུང་བའམ། ཚུལ
464b3 ཁྲིམས་དང་ལྡན་པའམ། ཚུལ་ཁྲིམས་འཆལ་པའམ། ཐོས་པ་མང་བའམ། ཐོས་པ་ཉུང་བའམ། བརྩོན་འགྲུས་བརྩམས་པའམ། ལེ་ལོ་ཅན་ནམ། མཉམ་པར་བཞག་པའམ། མཉམ་པར་མ
464b4 བཞག་པའམ། དྲན་པ་དང་ལྡན་པའམ། དྲན་པ་ཉམས་པ་རྣམས་བཅོམ་ལྡན་འདས་དང་། ཆོས་དང་། དགེ་འདུན་དང་། འཕགས་པ་དགྱེས་པའི་ཚུལ་ཁྲིམས་དག་ལ་དགའ་ཞིང་དད་པ་དག་བཀུར
464b5 སྟི་དང་། བླ་མར་བགྱིད་པ་དང་། རི་མོར་བགྱིད་པ་དང་། བྱང་ཆུབ་རྣམ་གསུམ་གང་ཡང་རུང་བདག་ལ་རབ་ཏུ་ཞུགས་པ། བཅོམ་ལྡན་འདས་ཀྱི་ཉན་ཐོས་སྦྱིན་གནས་དེ་ལྟ་བུ་དག་གནས་ཤིང་མཆིས་པ
464b6 དེ་དང་དེར་བདག་ཅག་ཡིད་ཀྱིས་དགའ་ཞིང་དད་པ་དང་། བཀུར་སྟི་དང་། བླ་མར་བགྱི་བ་དང་། རི་མོ་དག་གིས་གནས་པར་བགྱི་ལགས་སོ།། ཡུལ་འཁོར་དེ་དང་དེའི་གྲོང་དང་། གྲོང་ཁྱེར་དང་། གྲོང་རྡལ
464b7 དང་། ལྗོངས་དང་། རི་བྲག་དེར་བདག་གི་འཁོར་ཀླུ་དང་། ཀླུ་མོ་དང་། ཀླུ་རྒན་ཕོ་དང་། ཀླུ་རྒན་མོ་དང་། ཀླུའི་བུ་དང་། ཀླུའི་བུ་མོ་དང་། ཀླུའི་འཁོར་ཕོ་དང་། ཀླུའི་འཁོར་མོ་དག་དུས་མ་ལགས་པར་རྫི
iiif viewer powered by OpenSeadragon
