| e-texts navigator |
| Wylie |
463b1 ཡེ་ཏ་ན་ཀུ་སེ། ཙ་ར་མ་ཧི་ཀེ་།ཙ་ལངྒེ། ནཱ་ན་དཏྟེ། ཀ་ཊུ་ཀ་ཊུ་ལེ་སྭཱཧཱ། སྔར་ཇི་སྐད་གསུངས་པའི་བར་དུའོ། །དེའི་ཚེ་ཀླུའི་རྒྱལ་པོ་ཡིད་བཟང་སྟན་ལས་ལངས་ཏེ་བཅོམ་ལྡན་འདས་ག་ལ་བ་དེར
463b2 ལོགས་སུ་ཐལ་མོ་སྦྱར་བ་བཏུད་ནས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། བདག་ལ་བརྟེན་པའི་ཀླུ་དང་། ཀླུ་ཆེན་པོ་དེ་དག་ནི། སྒོ་ང་ལས་སྐྱེ་བ་དང་། མངལ་ནས་སྐྱེ་བ་དང་།
463b3 དྲོད་གཤེར་ལས་སྐྱེ་བ་དང་། རྫུས་ཏེ་སྐྱེ་བ་དག་ལགས་སོ། །བཙུན་པ་བཅོམ་ལྡན་འདས། ད་ལྟར་དང་། མ་འོངས་པའི་དུས་ན་རྒྱལ་རིགས་གདོལ་བ་དེ་དག་གིས་རྒྱལ་རིགས་ཀྱི་ཆོས
463b4 སྤངས་ནས་དམངས་རིགས་ཀྱི་ཆོས་རྣམས་སྤྱོད་པར་བགྱིད་དེ། སེམས་ཅན་དམྱལ་བ་མནར་མ་མཆིས་པའི་བར་དག་ལ་གཞོལ་བར་གནས་སོ། །རྒྱལ་རིགས་གདོལ་བ་དེ་དག་གི་སྐྱོན
463b5 གྱིས་ཀླུ་རྣམས་མ་ནོངས་བཞིན་དུ་གྲགས་པ་མ་ལགས་པས་གོས་པར་འགྱུར་ལགས་སོ། །རྒྱུ་དེས་ན་ཀླུ་རྣམས་ལས་ཀྱི་སྒྲིབ་པ་དག་བགྱིད་པར་འགྱུར་ལགས་སོ། །དེ་ལྟ་ལགས་པས
463b6 བདག་ཅག་གིས་ནི། བཅོམ་ལྡན་འདས་ཀྱི་བཀའ་ལ་བཀུར་སྟི་བགྱི་ཞིང་གཟུང་བར་བགྱི་སྟེ། དཔེར་བགྱི་ན། འཁོར་ལོས་བསྒྱུར་བའི་རྒྱལ་པོ་དེས་ཡུལ་གྱི་བུད་མེད་བཟང་མོ་ཁྲུས་ལེགས
463b7 པར་བགྱིས་ཏེ་སྤོས་ཀྱིས་བྱུགས་ནས་གོས་མཆོག་ཏུ་བཟང་བ་བསྐོན་ཏེ། ཡན་ལག་གི་དམ་པ་མགོ་བོ་ལ་རིན་པོ་ཆེ་སྣ་བདུན་ལས་གྲུབ་པའི་ཕྲེང་བ་མང་པོ་དག་བཏགས་ཤིང་དཔུང་རྒྱན་དང་།
iiif viewer powered by OpenSeadragon
