| e-texts navigator |
| Wylie |
462b1 རྣམས་རྒྱུ་དེས་ནས་གོས་པ་མ་ལགས་པས་ནི། གོས་པར་འགྱུར་ལགས་སོ། །བཙུན་པ་བཅོམ་ལྡན་འདས། དཔེར་བགྱི་ན། ཕྱིས་ཁུང་གི་དྲི་མ་བདའ་བ་བསེར་མས་འཚལ་ན་དྲི་མི་བདའ་བར
462b2 འབྱུང་བ་དེ་བཞིན་དུ། བཙུན་པ་བཅོམ་ལྡན་འདས། རྒྱལ་རིགས་གདོལ་པ་རྣམས་ཀྱིས་ཀྱང་ཡུལ་ཕྱོགས་ཐམས་ཅད་སྲུང་བ་དག་ཁྲོས་པར་གྱུར་ཏེ། ཡུལ་འཁོར་དེ་མ་རུངས་པར་བགྱིད
462b3 ལགས་སོ། །ཀླུ་རྣམས་ཀྱང་བྲགས་པ་མ་ལགས་པས་གོས་པར་འགྱུར་ལགས་སོ།། བམ་པོ་གསུམ་པ་སྟེ་ཐ་མ། ཡང་ན་ཀླུ་ཐམས་ཅད་བདག་གི་བསླབ་པ་ལས་མི་འདའ་བར་བདག་གིས
462b4 ལུང་དབོག་པར་བགྱི་སྟེ། ཡུལ་འཁོར་གང་དང་གང་དག་ན་གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། རི་བྲག་གི་གནས་ཡུལ་འཁོར་དེ་ན་ད་ལྟར་དང་། མ་འོངས་པའི་དུས་སུ
462b5 བཅོམ་ལྡན་འདས་ཀྱི་ཉན་ཐོས་ཚུལ་ཁྲིམས་དང་ལྡན་ཞིང་ཐོས་པ་མང་པོ་སྦྱིན་གནས་དེ་ལྟ་བུ་དག་གནས་ཤིང་མཆིས་པ་དེར་བདག་གི་འཁོར་གང་དག་ཀླུ་དང་། ཀླུ་མོ་དང་། ཀླུ་རྒན་པོ་དང་།
462b6 ཀླུའི་བུ་ཕོ་དང་། ཀླུའི་བུ་མོ་དང་། ཀླུའི་འཁོར་ཕོ་དང་། ཀླུའི་འཁོར་མོ་སྒོ་ང་ལས་སྐྱེ་བ་དང་། མངལ་ནས་སྐྱེ་བ་དང་། དྲོད་གཤེར་ལས་སྐྱེ་བ་དང་། རྫུས་ཏེ་སྐྱེ་བ་དག་དུས་མ་ལགས་པར
462b7 ཛི་ཆར་དང་། སེར་དྲག་དང་། ཆར་མོ་ཆེ་དང་། ཐན་ཆེན་དག་གཏོང་བར་བགྱིད་དམ། ལྷགས་མོ་ཆེ་དང་། ཤིན་ཏུ་ཚ་བ་དང་། ཉི་མས་གདུངས་པ་དག་འབྱུང་བར་བགྱིད་དམ། སེམས་ཅན
iiif viewer powered by OpenSeadragon
