| e-texts navigator |
| Wylie |
462a1 ཞེས་བྱ་བ་བྱིན་ནོ། །དེ་ཉིད་ཀྱི་ཚེ་ཐམས་ཅད་དང་ལྡན་པའི་ཀླུའི་འཁོར་རྣམས་ཤུགས་དྲག་པོར་འཁྲུགས་ཤིང་དངངས་པར་གྱུར་ཏོ། །དེའི་ཚེ་ཀླུའི་རྒྱལ་པོ
462a2 དགའ་བོ་དང་། བསྙེན་དགའ་བོ་གཉིས་སྟན་ལས་ལངས་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། ད་ལྟར
462a3 དང་། མ་འོངས་པའི་དུས་སུ་རྒྱལ་རིགས་གདོལ་པ་དེ་དག་གཞན་ལ་སྦྱིན་པར་མ་དད་ཅིང་བདག་ཉིད་ལོངས་སྤྱོད་པར་འཚལ་ལ་འཇུངས་པ། ལོངས་སྤྱོད་ལ་སེམས་ཀུན་ཏུ་འཛིན་ཅིང་ལག་མི
462a4 རྐྱོང་པས་དགེ་སྦྱོང་དང་། བྲམ་ཟེ་དང་། བཀྲེན་པ་དང་། ཕོངས་པ་དང་། འགྲོན་པོ་སློང་བ་རྣམས་ཀུན་ནས་ཚིམ་པར་མི་བགྱིད་ལགས་སོ། །ཕོ་བྲང་འཁོར་དང་། ལྗོངས་ཀྱི་མི་དང་། འཁོར
462a5 རྣམས་ཡང་དག་པའི་བདེ་བས་ཚིམ་པར་མི་བགྱིད་ལགས་སོ། །རྒྱལ་རིགས་གདོལ་པ་དེ་དག་ལ་ཡུལ་ཕྱོགས་སྲུང་བའི་ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། ལྷ་མ་ཡིན
462a6 དང་། གྲུལ་བུམ་དང་། ཡི་དྭགས་མཐུ་བོ་ཆེ་དེ་དག་ཐམས་ཅད་ཀྱང་ཁྲོས་པར་གྱུར་ཏེ། དེ་དག་གི་ཡུལ་འཁོར་དུ་འཐབ་མོ་དང་། རྩོད་པ་དང་། མུ་གེ་དང་། ནད་དང་། ཕ་རོལ་གྱི་དམག
462a7 ཚོགས་དག་ཀུན་ཏུ་འབྱུང་བར་བགྱིད་ལགས་སོ། །འབྲུ་དང་། སྨན་གྱི་རོ་རྣམས་མ་རུངས་པར་བསྒྱིད་ཀྱང་དེ་ན་ཀླུ་དང་། ཀླུ་ཆེན་པོ་རྣམས་ལ་སྐྱོན་ནི། མ་མཆིས་ལགས་ཏེ། དེ་ན་ཀླུ
iiif viewer powered by OpenSeadragon
