| e-texts navigator |
| Wylie |
461a1 འདས|་དཔེར་བགྱི་ན། ཡུལ་གྱི་བུད་མེད་བཟང་མོས་ཟས་ངན་པ་འཚལ་ན་དབུགས་དྲི་མི་བདའ་བར་འགྱུར་ལགས་སོ། །དེ་བཞིན་དུ་རྒྱལ་རིགས་གདོལ
461a2 པ་ཨས་ཀྱང་རྒྱལ་རིགས་ཀྱི་ཆོས་རྣམས་སྤངས་ནས་དམངས་རིགས་ཀྱི་ཆོས་རྣམས་སྤྱོད་པར་བགྱིད་ན་ཡུལ་ཕྱོགས་ཐམས་ཅད་སྲུང་བའི་ལྷ་ནས་ཡི་དྭགས་མཐུ་བོ་ཆེ་དག་གི་བར་དུ
461a3 ཁྲོས་པར་འགྱུར་ཏེ། དེ་དག་གིས་ཡུལ་འཁོར་མ་རུང་བར་བགྱིད་ལ། ཀླུ་དང་ཀླུ་ཆེན་པོ་རྣམས་གྲགས་པ་མ་ལགས་པས་ཀྱང་གོས་པར་འགྱུར་ལགས་སོ། །བཅོམ་ལྡན་འདས
461a4 ཀྱིས་བཀའ་སྩལ་པ། ཀླུའི་བདག་པོ། རྒྱལ་པོ་རྣམས་རྒྱལ་པོའི་བསླབ་པའི་གཞི་གནས་པར་བསྟན་པ་དེ་དང་དེ་དག་མཐོ་རིས་དང་། མྱ་ངན་ལས་འདས་པའི་བདེ་བ་ལ་བརྩོན་པ་ཡིན
461a5 ནོ|་|གང་དག་རྒྱལ་རིགས་གདོལ་བ་རྒྱལ་རིགས་ཀྱི་བསླབ་པ་ལ་མི་གནས་པ་དེ་དག་ནི། སེམས་ཅན་དམྱལ་བ་མནར་མེད་པའི་བར་ལ་གཞོལ་བ་ཡིན་ནོ། །ཀླུའི་བདག་པོ། ང་རང་གི
461a6 འཁོར་བསླབ་པ་ལས་མི་འདའ་བར་བསྟན་པ་དེས་ན་དེ་དག་ད་ལྟར་གྱི་དུས་དང་། མ་འོངས་པའི་དུས་སུ་ངའི་བསྟན་པ་དང་། དཀོན་མཆོག་གསུམ་གྱི་གདུང་མེད་པར་མི་བྱེད་པར་འགྱུར
461a7 རོ|་|གསོལ་པ། བཙུན་པ་བཅོམ་ལྡན་འདས། དེ་ལྟར་ལགས་སོ། །བཙུན་པ་བདེ་བར་གཤེགས་པ། དེ་ལྟར་ལགས་སོ། །བཙུན་པ་བཅོམ་ལྡན་འདས། ཡུལ་འཁོར་གང་དང་གང་དག
iiif viewer powered by OpenSeadragon
