| e-texts navigator |
| Wylie |
460a1 ལགས་སོ། །ཉོན་མོངས་པ་རྣམས་ཀྱི་རལ་གྲི་ལགས་སོ། །མྱ་ངན་ལས་འདས་པའི་ས་བོན་ལགས་སོ། །ལམ་ལས་རབ་ཏུ་ཉམས་པ་རྣམས་ཀྱི་སྒྲོན་མ་ལགས་སོ། །
460a2 ཕུང་པོ་རྣམས་ཀྱི་སྨན་ལགས་སོ། །མ་རིག་པའི་མུན་པའི་རླུང་ལགས་སོ། །ངན་འགྲོ་རྣམས་ཀྱི་སྲོག་ཤིང་ལགས་སོ། །ཉོན་མོངས་པའི་སྐྱོན་གྱིས་ཉམས་པར་གྱུར་པ་རྣམས་ཀྱི་སྐྱུག་སྨན
460a3 ལགས་སོ། །དགྲ་རྣམས་ཀྱི་རྡོ་རྗེ་ལགས་སོ། །དགེ་བའི་རྩ་བ་ཐམས་ཅད་ཀྱི་གཏེར་ལགས་སོ། །སྡིག་པས་གོས་པ་རྣམས་ཀྱི་ཆབ་ལགས་སོ། །ནོངས་པ་བགྱིད་པ་རྣམས་ཀྱི་མེ་ལོང་ལགས
460a4 སོ|་|སེམས་གཡེང་བ་རྣམས་ཀྱི་ཏིང་ངེ་འཛིན་ལགས་སོ། །ཏིང་ངེ་འཛིན་རྣམས་ཀྱི་ཟ་མ་ཏོག་ལགས་སོ། །ཕ་རོལ་ཏུ་ཕྱིན་པ་རྣམས་ཀྱི་ས་གཞི་ལགས་སོ། །གཟུངས་རྣམས་ཀྱི་ནོར་བུ
460a5 ལགས་སོ། །བཟོད་པ་རྣམས་ཀྱི་ཁྱིམ་ལགས་སོ། །ས་རྣམས་ཀྱི་སྣོད་ལགས་སོ། །ཕས་ཀྱི་རྒོལ་བ་རྣམས་ཀྱི་མཁར་ལགས་སོ། །ནད་པ་རྣམས་ཀྱི་སྨན་པ་ལགས་སོ། །བསླབ་པ་རྣམས་ཀྱི
460a6 རི་ལགས་སོ། །ཉོན་མོངས་པས་ཀུན་ནས་གདུངས་པ་རྣམས་ཀྱི་ཟླ་བ་ལགས་སོ། །ལྟ་བ་ངན་པར་ལྷུང་བ་རྣམས་ཀྱི་ཉི་མ་ལགས་སོ། །ཡེ་ཤེས་ཀྱི་རྒྱ་མཚོ་ལགས་སོ། །བྱང་ཆུབ་ཀྱི་ཕྱོགས་པ
460a7 རྣམས་ཀྱི་ཕྲེང་བར་གྱུར་པ་ལགས་སོ། །ཐམས་ཅད་མཁྱེན་པའི་ཡེ་ཤེས་ཀྱི་བུམ་པ་བཟང་པོ་ལགས་སོ། །ཆོས་གོས་ངུར་སྨྲིག་འདི་ནི། ཡིད་བཞིན་གྱི་ནོར་བུ་རིན་པོ་ཆེ་དང་འདྲ་བ་ལགས
iiif viewer powered by OpenSeadragon
