| e-texts navigator |
| Wylie |
459b1 བར་མི་འགྱུར་ལགས་སོ། །བཙུན་པ་བཅོམ་ལྡན་འདས་ཀྱི་སླད་དུ་རབ་ཏུ་བྱུང་ནས་སྐྲ་བྲེགས་ཏེ་གོས་ངུར་སྨྲིག་བགོས་པ། སྣོད་དུ་གྱུར་པ་དང་། སྣོད་དུ་མ་གྱུར་བ་ལྷག་པའི་བསམ་པ་ཅན
459b2 རྣམས་ཀྱང་བཅོམ་ལྡན་འདས་ཀྱི་བསྟན་པ་འཛིན་པར་བགྱིད་ལགས་སོ། །གཞན་ཡང་ཡུལ་འཁོར་དེ་ན་གང་དག་མི་རྣམས་བཅོམ་ལྡན་འདས་ཀྱི་བསྟན་པ་དེའི་ཚེར་མར་གྱུར་པ་དེ་དག་ཆོས་དང
459b3 ལྡན་པས་སྐྲོད་པར་བགྱིད་ལགས་སོ། །དེ་ནས་ཡུལ་འཁོར་དེར་དགེ་སྦྱོང་དང་། བྲམ་ཟེ་བསོད་སྙོམས་པ་རྣམས་ལ་སྔོན་གྱི་རྒྱལ་པོ་དག་གིས་སྔོན་ལྷག་པའི་བསམ་པས་སྦྱིན་པ་ཕུལ་པ་རྣམས
459b4 རྒྱལ་རིགས་དགེ་བས་འཕྲོག་པར་མི་བགྱིད་ལ། རྒྱལ་རིགས་དགེ་བ་བློན་པོ་དང་། མདུན་ན་འདོན་དང་། སྐྱེ་བོ་དམག་མི་རྣམས་དང་བཅས་པས་ཚོགས་སྦྱོར་བ་ནི། དོན་ཆེན་ལ་བརྩོན་པ་ལགས་སོ།།
459b5 སྙིང་པོ་བླངས་པ་ལགས་སོ། །ལག་བརྐྱང་ནས་ལྷུག་པར་གཏོང་བ་ལགས་ཏེ། རྒྱལ་རིགས་དགེ་བ་དེ་ཡུལ་འཁོར་དང་བཅས་པར་བསྲུང་བར་བགྱི་ལགས་སོ། །ཡོངས་སུ་བསྐྱང་བར་བགྱི་ལགས་སོ། །
459b6 དེའི་ཡུལ་ཕྱོགས་ན་རྩོད་པའི་རྙོག་པ་ཐམས་ཅད་དང་། སོ་སོའི་འཁོར་དག་སྔར་ཇི་སྐད་བསྟན་པ་བཞིན་བསྐྲད་པར་བགྱི་ལགས་སོ། །དེ་ཅིའི་སླད་དུ་ཞེ་ན། ཆོས་གོས་ངུར་སྨྲིག་ཁ་བསྒྱུར་བ་འདི་ནི།
459b7 སྔོན་གྱི་སངས་རྒྱས་བཅོམ་ལྡན་འདས་ཐམས་ཅད་ཀྱིས་བྱིན་གྱིས་བརླབས་པ་ལགས་སོ། །བྱང་ཆུབ་སེམས་དཔའ་རྣམས་ཀྱི་རྒྱལ་མཚན་ལགས་སོ། །མྱ་ངན་ལས་འདས་པར་མཆི་བ་རྣམས་ཀྱི་ལམ
iiif viewer powered by OpenSeadragon
