| e-texts navigator |
| Wylie |
459a1 འཁོར་དེར་མཆིས་པ་རྣམས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རིའི་སྙིང་པོ་ཀླུའི་དྲང་སྲོང་ལ་ལེགས་སོ། །ཞེས་བགྱི་བ་སྩལ་ཏོ། །དེའི
459a2 ཚེ་ཀླུའི་རྒྱལ་པོ་ཤིན་ཏུ་རབ་གནས་སྟན་ལས་ལངས་ཏེ་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས།
459a3 བདག་ལ་བརྟེན་པའི་ཀླུ་དང་། ཀླུའི་རྒྱལ་པོ་གང་དག་སྒོ་ང་ལས་སྐྱེ་བ་དང་། མངལ་ནས་སྐྱེ་བ་དང་། དྲོད་དང་གཤེར་ལས་སྐྱེ་བ་དང་། རྫུས་ཏེ་སྐྱེ་བའི་ཀླུ་དེ་དག་གང་ན་བཅོམ་ལྡན
459a4 འདས་ཀྱི་འཁོར་ཉན་ཐོས་རྣམས་དང་། འཁོར་བྱང་ཆུབ་སེམས་དཔའ་དེ་དག་ལ་ཕན་ཚུན་བྱམས་པའི་སེམས་དང་ལྡན་པ་དང་། ཡུལ་འཁོར་དེར་ཤ་འཁོན་མ་མཆིས་པའི་སེམས
459a5 ཀྱིས་གནས་པར་འགྱུར་ལགས་སོ། །གནོད་སེམས་མ་མཆིས་པ་དང་། སེམས་མཉམ་པས་གནས་པར་འགྱུར་ལགས་སོ། །གང་དག་ཡུལ་འཁོར་དེའི་རྒྱལ་པོ་དེ་དག་ཀྱང
459a6 བཅོམ་ལྡན་འདས་ཀྱི་བསྟན་པ་ལ་སེམས་ཤིན་ཏུ་དད་པར་འགྱུར་ལགས་སོ། །དེ་དག་བཅོམ་ལྡན་འདས་ཀྱི་བསྟན་པའང་འཛིན་པར་འགྱུར་ལགས་སོ། །དབང་ཕྱུག་གི
459a7 རྒྱགས་པ་དང་དྲེགས་པས་བཅོམ་ལྡན་འདས་ཀྱི་བསྟན་པ་འཇིག་པར་མི་འགྱུར་ལགས་སོ། །དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དག་ལ་འཚེ
iiif viewer powered by OpenSeadragon
