| e-texts navigator |
| Wylie |
458b1 པ་ནི|་བསྐལ་པ་གྲངས་མ་མཆིས་པར་སྐད་ཅིག་ཙམ་ཡང་བཏང་མ་མྱོང་ལགས་སོ། །བདག་གིས་རྟག་པར་ཕ་རོལ་གནོན་པའི་རྩོལ་བ་དང་། བརྩོན་པ་བརྟན་པོས་སེམས་ཅན་ཡོངས་སུ
458b2 སྨིན་པར་བགྱིས་ལགས་པ་རྣམས་ཀྱང་ཡང་ཡོངས་སུ་སྨིན་པར་བགྱི་ལགས་སོ། །གཞན་ཡང་བདག་གིས་ཀླུའི་དབང་པོ་དག་ཐེག་པ་ཆེན་པོའི་སྤྱོད་པ་ལ་བརྩོན་པར་བགྱིས་ལགས་ཏེ།
458b3 ཀླུ་གླང་པོ་ཆེ་རྣམས་ཀྱི་བདག་པོ་ཀླུའི་རྒྱལ་པོ་ཤིན་ཏུ་རབ་གནས་འདི་དང་། ཀླུ་སྤྲུལ་རྣམས་ཀྱི་བདག་པོ་ཀླུའི་རྒྱལ་པོ་དགའ་བོ་དང་། བསྙེན་དགའ་བོ་འདི་གཉིས་དང་། ཀླུ་རྟ་རྣམས་ཀྱི
458b4 བདག་པོ་ཀླུའི་རྒྱལ་པོ་མ་དྲོས་པ་འདི་དང་། ཀླུ་ཉ་རྣམས་ཀྱི་བདག་པོ་ཀླུའི་རྒྱལ་པོ་ཆུ་ལྷ་དང་། ཀླུ་སྦལ་པ་རྣམས་ཀྱི་བདག་པོ་ཀླུའི་རྒྱལ་པོ་ཡིད་བཟང་འདི་རྣམས་ཏེ། ཀླུ་དེ་ལྟ་བུ་དག་ནི།
458b5 སེམས་ཅན་རྣམས་ལ་གནོད་པ་བགྱིད་པར་རྔོ་ཐོགས་པ་དག་གོ་།ཀླུའི་རྒྱལ་པོ་གཞན་དག་དེ་ལྟ་བུ་དེ་དག་ཀྱང་རང་རང་གི་མཐུས་སེམས་ཅན་རྣམས་ལ་དེ་ལྟ་བུར་གནོད་པ་བགྱིད་པར་རྔོ་ཐོགས
458b6 པ་དག་གོ་། འདི་ལྟར་ཐེག་པ་ཆེན་པོ་ལ་རབ་ཏུ་ཞུགས་པའི་རྒྱལ་པོ་དེ་དག་ཐམས་ཅད་ཀྱིས་ཀྱང་སོ་སོ་རང་རང་གི་འཁོར་དང་། དཔུང་གི་ཚོགས་རྣམས་དུས་མ་ལགས་པར་དེ་ལྟ་བུར་ཡ་ང་བ་བསྒྲུབས་པས
458b7 རང་རང་གི་འཁོར་རྣམས་བསྐྱོད་པར་བགྱིད་ལགས་སོ། །འདི་ལྟར་འདིར་བཅོམ་ལྡན་འདས་ཀྱི་བསྟན་པ་ཆོས་ཀྱི་སྒྲོན་མ་དང་། དཀོན་མཆོག་གསུམ་གྱི་གདུང་མྱུར་དུ་མི་འཆད་པར་བགྱི་བའི་སླད་དུ
iiif viewer powered by OpenSeadragon
