| e-texts navigator |
| Wylie |
457a1 བར་བྱའོ། །ཞེས་སྨོན་ལམ་བཏབ་བོ། །དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རིའི་སྙིང་པོས་བཅོམ་ལྡན་འདས་ལ་འདི་སྐད་ཅེས
457a2 གསོལ་ཏོ། །བཙུན་པ་བཅོམ་ལྡན་འདས། བདག་གིས་གང་དག་ཀླུ་ཁྲོ་བོ་དེ་དག་ནི། གནས་དེར་ཞུགས་ཏེ་མཆིས་ནས་ཀླུ་རྣམ་པར་བསྒྱིངས་པའི་གནས་ཞེས་བགྱི་བའི་ཏིང་ངེ་འཛིན་ལ
457a3 སྙོམས་པར་ཞུགས་ནས་གནས་པར་བགྱི་ལགས་སོ། །དེ་ཏིང་ངེ་འཛིན་གྱི་མཐུས་བདག་གིས་དེ་དག་གི་ཁྲོ་བ་དང་། ང་རྒྱལ་དང་། དྲེགས་པ་དང་། འདོད་ཆགས་དེ་དག་ཉེ་བར་ཞི་བར
457a4 བགྱི་ལགས་སོ། །དེ་དག་འཇམ་པ་དང་། སྣོད་དུ་རུང་བ་དང་། སེམས་ཞི་བར་འགྱུར་བ་དང་། སེམས་འཇིག་རྟེན་ཕ་རོལ་ལ་ལྟ་བར་འགྱུར་བ་དང་། སེམས་ཅན་ཐམས་ཅད་ལ་སེམས
457a5 བྱམས་པ་དང་། སྙིང་རྗེ་བ་དང་། སྙིང་བརྩེ་བ་དང་། སེམས་བརྩེ་བ་ཅན་དུ་འགྱུར་བར་བགྱི་ལགས་སོ། །ཀླུ་ཁྲོ་བོ་དང་། ཀླུ་མ་རུངས་པ་རྣམས་དད་པར་འགྱུར་བར་བགྱི་ལགས་སོ། །
457a6 སེམས་ཅན་ཐམས་ཅད་ལ་མི་འཚེ་ཞིང་སྙིང་བརྩེ་བ་ཅན་གྱི་སེམས་ཀྱི་ས་ལ་གནས་པར་བགྱི་ལགས་སོ། །གཞན་ཡང་གང་དག་རྫི་ཆར་དང་། ཆར་མོ་ཆེ་དང་། ཐན་ཆེན་དང་། སྤྲིན་དང་།
457a7 སྤྲིན་ཆེན་དང་། ལྷགས་པ་དང་། ཚ་བ་དག་གིས་གནོད་པར་གྱུར་པའི་སེམས་ཅན་དེ་དག་གིས་ཐལ་མོ་སྦྱར་ཏེ། བདག་གི་མིང་བརྗོད་ནས་འདི་སྐད་དུ་རིའི་སྙིང་པོ་ཐུགས་རྗེ་རྒྱ་ཆེ་བ།
iiif viewer powered by OpenSeadragon
