| e-texts navigator |
| Wylie |
456a1 ལྟར་གླིང་བཞི་པའི་འཇིག་རྟེན་གྱི་ཁམས་འདི་ན་ཀླུ་དང་། ཀླུ་ཆེན་པོ་དང་། ཀླུའི་འཁོར་དང་། སྐྱེས་པ་དང་། བུད་མེད་དང་། ཁྱེའུ་དང་། བུ་མོ་དང་། གླིང་བཞི་པ་འདི་ན་གང
456a2 ཁ་ཅིག་ཀླུའི་སྐྱེ་གནས་པ་དེ་དག་ཐམས་ཅད་ད་ལྟར་འདིར་མཆིས་པ་རྣམས་དང་། ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག
456a3 ད་ལྟར་འདུས་པ་ཆེན་པོ་འདིར་མཆིས་པ་རྣམས་དང་། ད་ལྟར་འདིར་ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། དྲི་ཟ་དང་། མི་འམ་ཅི་དང་། ལྷ་མ་ཡིན་དང་། ལྟོ་འཕྱེ་ཆེན་པོ་དང་།
456a4 ཡི་དྭགས་དང་། ཤ་ཟ་དང་། སྤྲུལ་པོ་དང་། ལུས་སྲུལ་པོ་འདུས་པ་ཐམས་ཅད་དང་། བཅོམ་ལྡན་འདས་ཀྱི་ཉན་ཐོས་མི་དང་མི་ཡིན་པ་དེ་དག་ད་ལྟར་འདུས་པ་ཆེན་པོ་འདིར་ཆོས་ཉན
456a5 པའི་སླད་དུ་བཅོམ་ལྡན་འདས་ཀྱི་སྤྱན་སྔར་མཆིས་པའི་སེམས་ཅན་དེ་དག་ཐམས་ཅད་ཟས་བཞི་ལ་རྟེན་ཅིང་འཚོ་བར་བགྱིད་ལགས་སོ། །བཙུན་པ་བཅོམ་ལྡན་འདས། ད་ལྟའི་དུས
456a6 སུ་ཀླུ་ཁྲོ་བོ་ཕུང་བར་བགྱིད་པ་དག་ཞི་བར་མཛད་དུ་གསོལ། གང་དག་ཀླུ་ཁྲོ་བོ་རྣམས་ནི། བཅོམ་ལྡན་འདས་ཀྱི་བཀའ་ལ་མངོན་པར་མ་དད་པས་རྟག་པར་ཡང་སྒྲུབ་པར་བགྱིད་པ།
456a7 སེམས་ཅན་རྣམས་ལ་མཐོ་འཚམ་པ། སེམས་ཅན་རྣམས་ཀྱི་ལོངས་སྤྱོད་པ་དང་། ཉེ་བར་ལོངས་སྤྱོད་པ་དག་མ་རུངས་པར་བགྱིད་པ། འཇིག་རྟེན་ཕ་རོལ་ལ་མི་ལྟ་བ། སེམས་ཅན་རྣམས
iiif viewer powered by OpenSeadragon
