| e-texts navigator |
| Wylie |
455b1 གཉིས་ཀྱིས་ཕན་ཚུན་དམ་བཅས་པ་དེ་བཞིན་དུ་བདག་ཅག་གཉིས་ཀྱི་བསམ་པ་ཡོངས་སུ་རྫོགས་ཤིང་གྲུབ་བོ། །དེ་ནས་དཔལ་ལྷ་མོ་ཆེན་མོས་འདི་སྐད་ཅེས་གསོལ་ཏོ། །བཙུན་པ་བཅོམ
455b2 ལྡན་འདས། དེ་ལྟ་ལགས་སོ། །བཙུན་པ་བདེ་བར་གཤེགས་པ། དེ་ལྟ་ལགས་ཏེ། སྐོལ་གྱི་བསམ་པ་རྫོགས་ལགས་སོ། །སྔོན་སྐོལ་གྱིས་དེ་བཞིན་གཤེགས་པ་དབང་པོའི་ཏོག་གི
455b3 རྒྱལ་མཚན་རྒྱལ་པོའི་སྤྱན་སྔར་ཕན་ཚུན་དམ་བཅས་པ་བཞིན་འདི་ལྟར་སྐོལ་གྱི་བསམ་པ་ཡོངས་སུ་གྲུབ་སྟེ། ད་ལྟར་ཁྱོད་ཉིད་ནི། དེ་བཞིན་གཤེགས་པ་སྟེ། འཇིག་རྟེན་དུ་བྱུང་ལ། ད
455b4 ལྟར་བདག་གིས་ནི། དཔལ་གྱི་གོ་འཕང་ཐོབ་པ་ལགས་སོ། །ད་ལྟར་བདག་གིས་སེམས་ཅན་རྣམས་ལ་སེམས་ཅན་ཡོངས་སུ་སྨིན་པར་རྔོ་མི་ཐོགས་པར་གྱུར་པ་དེ་ཅིའི་སླད་དུ་ཞེ་ན། འདི་ན་ཀླུ
455b5 གླང་པོ་ཆེ་ལྟ་བུ་དང་། ཀླུ་རྟ་ལྟ་བུ་དང་། ཀླུ་སྤྲུལ་ལྟ་བུ་དང་། ཀླུ་ཉ་ལྟ་བུ་དང་། ཀླུ་སྦལ་པ་ལྟ་བུ་དེ་དག་དུས་འདིར་ཡང་སྒྲུབ་པར་བགྱིད་ལགས་སོ། །བདག་གིས་འཇིག་རྟེན་སྣང་བར་བྱེད་པ་ཟབ་མོ
455b6 དག་བསྟན་པ་ན་གང་དག་དུས་མ་ལགས་པའི་ལྷགས་པ་དང་། ཚ་བ་དང་། སྤྲིན་དང་། ཁུག་རྣ་དང་། རྫི་ཆར་དང་། ཆར་མོ་ཆེ་དང་། ཐན་ཆེན་དག་འབྱུང་བར་བགྱིད་པ། སེམས་ཅན་རྣམས་ཀྱི་ལོ
455b7 ཏོག་དང་། ལོ་མ་དང་། མེ་ཏོག་དང་། འབྲས་བུ་དང་། འབྲུ་དང་། སྨན་རྣམས་མ་རུངས་པར་བགྱིད་པའི་ཀླུ་དང་། ཀླུ་ཆེན་པོ་དེ་དག་མ་བསྐྲད་ལགས་སོ། །བཙུན་པ་བཅོམ་ལྡན་འདས། དུས་འདིར་ད
iiif viewer powered by OpenSeadragon
