| e-texts navigator |
| Wylie |
455a1 གདུངས་པ་དང་། ཚ་བ་དང་། གྲང་བ་དང་། ཆར་མོ་ཆེ་དང་། ཐན་ཆེན་དང་། ཟླ་བ་དང་། ཉི་མ་དང་། གཟའ་དང་། རྒྱུ་སྐར་དང་། ཉིན་མཚན་དང་། ཟླ་བ་དང་། ཟླ་བ་ཕྱེད
455a2 པ་དང་། ལོ་དང་། དུས་ཚིགས་ལོག་པ་ཐམས་ཅད་ཉེ་བར་ཞི་བར་བྱེད་དོ། །གཟུངས་ཆེན་པོ་བསྟན་པ་དེས་ནི། ངའི་དཀོན་མཆོག་གསུམ་གྱི་གདུང་དང་། ཆོས་ཀྱི་ཚུལ་ཡུན་རིང་དུ
455a3 གནས་པར་འགྱུར་རོ། །གལ་ཏེ་འདིར་མུན་པ་ཅན་སྐལ་པ་ཆུང་བ། རྒྱགས་པ་དང་། དྲེགས་པས་ཁེངས་ཤིང་དགེ་བའི་རྩ་བ་མ་སྐྱེད་པ། རྒྱལ་རིགས་གདོལ་པ་དང་། བློན་པོ་གདོལ
455a4 པ་དག་གིས་འདི་ལྟར་ངའི་བསྟན་པ་དཀའ་བས་བསྒྲུབས་པ་དང་། ངའི་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དག་ལ་འཚེ་བར་བྱེད་པ་ནས་རྒྱུ་དེས་ན
455a5 ལྷ་དང་། ཀླུ་དང་། གནོད་སྦྱིན་དག་འཁྲུག་པར་མི་བྱེད་པའི་བར་དུའོ། །དེ་བཞིན་དུ་སེམས་ཅན་རྣམས་ལ་བདེ་བར་སྦྱར་བ་ཐམས་ཅད་འབྱུང་བ་ནི། སྔར་ཇི་སྐད་གསུངས་པ་བཞིན
455a6 ནོ|་|འདུས་པ་ཆེན་པོ་ཐེག་པ་ཆེན་པོའི་མདོ་བཅོ་ལྔ་བ་རིའི་སྙིང་པོའི་ལེའུ་ལས། ཐན་ཆེན་རབ་ཏུ་ཞི་བར་བྱེད་པ་མཚོན་པ་སྟེ་གསུམ་པ་རྫོགས་སོ།། །།དེ་ནས་བཅོམ་ལྡན་འདས
455a7 ཀྱིས་དཔལ་ལྷ་མོ་ཆེན་མོ་ལ་འདི་སྐད་ཅེས་བཀའ་སྩལ་ཏོ། །དཔལ་ལྷ་མོ་ཆོ་ག་ཤེས། སྔོན་དེ་བཞིན་གཤེགས་པ་དབང་པོའི་ཏོག་གི་རྒྱལ་མཚན་རྒྱལ་པོའི་སྤྱན་སྔར་བདག་ཅག
iiif viewer powered by OpenSeadragon
