| e-texts navigator |
| Wylie |
454b1 ལ་དེ་ལྟ་བུར་རྒྱས་པར་བྱེད་དོ། །བདེ་བ་ཆེན་པོ་སྐྱེད་པར་བྱེད་དོ། །རྒྱུ་དེས་ན་དེས་སེམས་ཅན་རྣམས་མྱུར་དུ་འདུལ་བར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ
454b2 དེ་ལ་ཐམས་ཅད་དང་ལྡན་པའི་འཁོར་ལྷགས་པ་རྣམས་ཀྱིས་ཀྱང་ལེགས་སོ། །ཞེས་བྱ་བ་བྱིན་ཞིང་། བཅོམ་ལྡན་འདས་ཀྱིས་ཀྱང་ལེགས་སོ། །ཞེས་བྱ་བ་གནང་སྟེ། རིགས་ཀྱི་བུ། ལེགས
454b3 སོ|་|ལེགས་སོ། །རིགས་ཀྱི་བུ། ཁྱོད་ནི། སེམས་ཅན་རྣམས་ཀྱི་རྩི་སྨན་ཡིན་ཞིང་སེམས་ཅན་རྣམས་ཀྱི་སྨན་པར་གྱུར་པའོ། །འདི་ལྟར་གླིང་བཞི་པ་འདིའི་སེམས་ཅན་ཐམས་ཅད་ཀྱི་འབྲུ
454b4 དང་། རྩི་སྨན་ཡིན་ཞིང་སྡུག་བསྔལ་ཐམས་ཅད་རབ་ཏུ་ཞི་བར་བྱེད་པའོ། །བདེ་བར་སྦྱར་བ་ཐམས་ཅད་སྦྱིན་པར་བྱེད་དོ། །སྙིང་རྗེ་ཆེན་པོ་ཀུན་ནས་སློང་བ་དང་མཚུངས་པར་ལྡན་པའོ།།
454b5 མཚོན་ཆའི་སྟོབས་ཞེས་བྱ་བའི་གཟུངས་ཆེན་པོ་ཤིན་ཏུ་ཟབ་པ་དེ་ལྟ་བུ་སྟོན་པ་ཡིན་ནོ། །གཟུངས་ཆེན་པོ་དེས་ནི། འདི་ན་སེམས་ཅན་རྣམས་ཀྱི་སའི་བཅུད་ཀྱི་མདངས་དང་། ས་བོན་དང་།
454b6 མྱུ་གུ་དང་། འདབ་མ་དང་། མེ་ཏོག་དང་། རོ་དང་། འབྲུ་དང་། སྨན་རྣམས་མི་ཉམས་ཤིང་སྐྱོན་མེད་ལ་འཕེལ་ཞིང་འབྱོར་པར་བྱེད་དོ། །སེམས་ཅན་གང་དག་གིས་ཟོས་པ་དེ་དག་གི་རྒྱུད
454b7 ལ་རྩོད་པའི་རྙོག་པ་ཐམས་ཅད་ཞི་བར་བྱེད་དོ། །འདིར་སེམས་ཅན་རྣམས་དགེ་བའི་ཆོས་ཐམས་ཅད་ལ་སྤྱོད་པར་འགྱུར་རོ། །གླིང་བཞི་པ་འདིར་དུས་མ་ཡིན་པའི་རླུང་དང་། ཉི་མས
iiif viewer powered by OpenSeadragon
