| e-texts navigator |
| Wylie |
450b1 སུ་ཡི་རང་ངོ་། །ཁྱོད་ཀྱིས་ཀྱང་བསམ་པ་ཐམས་ཅད་རྫོགས་པར་གྱིས་ཤིག་།དེ་ནས་དཔལ་ལྷ་མོ་ཆེན་མོ་དང་། ལྷ་མོ་ཆེན་མོ་དབྱངས་ཅན་དང་། ལྷ་མོ་ཆེན་མོ་བརྟན་མ་དང་། ལྷ་མོ
450b2 ཆེན་མོ་འོད་བྱེད་དང་། ལྷ་མོ་ཆེན་མོ་གཟི་བརྗིད་ཅན་དང་། ལྷ་མོ་ཆེན་མོ་དགེ་ལྔན་དང་། ལྷ་མོ་ཆེན་མོ་ཏ་མ་ལའི་སྙིང་པོ་དང་། ལྷ་མོ་ཆེན་མོ་ཉི་མ་བདག་དང་། ལྷ་མོ་ཆེན་མོ་ཤེལ
450b3 ཅན་དང་། དེ་དག་ལ་སོགས་པ་ལྷ་གཞན་ཁྲག་ཁྲིག་འབུམ་ཕྲག་བརྒྱད་ཅུ་སྙེད་ཀྱིས་ཡོངས་སུ་བསྐོར་ཅིང་མདུན་དུ་བདར་ནས་སྟན་ལས་ལངས་ཏེ་བཅོམ་ལྡན་འདས་ག་ལ་བ་དེ
450b4 ལོགས་སུ་ཐལ་མོ་སྦྱར་བ་བཏུད་ནས་དཔལ་ལྷ་མོ་ཆེན་མོས་དེའི་ཚེ་ཚིགས་སུ་བཅད་པས་གསོལ་པ། སྤྱོད་པ་རྣམ་དག་དྲི་མའི་དྲི་མེད་པ། །ཉི་མས་ཉོན་མོངས་རྙོག་སེལ་བསྟན་དུ
450b5 གསོལ|་|ཆུ་ཀླུང་གཟུགས་ཀྱིས་བདག་ཅག་སྐོམ་ལགས་ན། །བདེ་གཤེགས་གཟུགས་ཚོགས་ཞི་བགྱིད་བསྟན་དུ་གསོལ། །ཆུ་ཀླུང་རིག་སྔགས་གསང་སྔགས་ཚིག་རབ་མཆོག་།
450b6 ཐུབ་པ་རིན་པོ་ཆེ་ཡིས་བསྟན་དུ་གསོལ། །དེས་ན་རྙོག་ལྡན་ཀླུང་དག་དང་འགྱུར་བས། །ས་ཡི་བཅུད་རྣམས་སླན་ཆད་ཆབ་མི་འཚལ། །དུས་མིན་རླུང་དང་ཉི་མས་གདུངས་པ་དང་། །རྡུལ
450b7 དང་ཐན་པ་ཆེན་པོ་ཞི་བགྱིད་ལ། །ལོ་ཏོག་འབྲས་བུ་སུས་ཀྱང་མདངས་མི་འཕྲོག་།གང་དག་སྲུང་བར་འགྱུར་བ་བསྟན་དུ་གསོལ། །དེས་ན་ནད་མེད་དྲན་དང་ལྡན་པ་དང་། །དགེ་བ་དག
iiif viewer powered by OpenSeadragon
