| e-texts navigator |
| Wylie |
450a1 བར་བདག་གིས་རྫུ་འཕྲུལ་གྱི་ཡུལ་དག་བསྟན་པ་ནི། ཚུལ་དང་མཐུན་པ་མ་ཡིན་ཏེ། དཔེར་ན། འཁོར་ལོས་བསྒྱུར་བའི་རྒྱལ་པོས་མ་གནང་བར་བློན་པོ་རིན
450a2 པོ་ཆེ་དང་། ཁྱིམ་བདག་རིན་པོ་ཆེ་དག་གིས་དཔུང་གི་ཚོགས་ཡན་ལག་བཞི་པ་ཤོམ་པ་དེ་ནི། གནས་མེད་དོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་སེམས་དཔའ་ཆེན
450a3 པོ་མ་ལུས་པ་དེ་དག་ཐམས་ཅད་ནི། དེ་བཞིན་གཤེགས་པའི་སྲས། ཐུགས་ལས་སྐྱེས་པ། གསུང་ལས་སྐྱེས་པ། ཆོས་ལས་བྱུང་ཞིང་ཆོས་ཀྱིས་སྤྲུལ་པ་སྟེ། དེའི་ཕྱིར་དེ
450a4 བཞིན་གཤེགས་པས་མ་གནང་བར་རྫུ་འཕྲུལ་གྱི་ཡུལ་བསྟན་པར་ནི། སུས་ཀྱང་མི་ནུས་སོ། །དཔལ་ཆོག་ཤེས། འོན་ཀྱང་ཆུ་ཀླུང་ནོར་བུའི་གཞལ་མེད་ཁང་ཞེས་བྱ་བའི
450a5 གཟུངས་ཀྱི་ཚོགས་ཀྱི་རིག་སྔགས་དང་། གསང་སྔགས་ཀྱི་ཚིག་མདོར་བསྡུས་པ་དང་། དུས་གསུམ་གྱི་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱི་དཀོན་མཆོག་གསུམ
450a6 གྱི་གདུང་གི་བྱིན་གྱི་རླབས་ཀྱིས་རྣམ་པར་འཕྲུལ་པ་དག་ཡོད་ཀྱི། དཔལ་ཆོག་ཤེས། ང་དེ་བཞིན་གཤེགས་པ་དེ་ལ་ཚིག་དག་ཞུས་ཤིག་དང་། ད་དེ་བཞིན་གཤེགས་པས
450a7 ཁྱོད་ལ་ཆུ་ཀླུང་ནོར་བུའི་གཞལ་མེད་ཁང་ཞེས་བྱ་བའི་གཟུངས་ཀྱི་ཚོགས་ཀྱི་རིག་སྔགས་དང་། གསང་སྔགས་ཀྱི་ཚིག་མདོར་བསྡུས་པ་དག་སྟོན་པར་འགྱུར་ཏེ། བདག་ཀྱང་རྗེས
iiif viewer powered by OpenSeadragon
