| e-texts navigator |
| Wylie |
449b1 སྤྱོད་པར་བྱ་བར་ནུས་ཀྱང་འདིར་སེམས་ཅན་རྣམས་ཀྱིས་ལོངས་སྤྱོད་པར་མི་ནུས་སོ། །དེ་ཅིའི་ཕྱིར་ཞེ་ན། སེམས་ཅན་འདི་དག་ནི། བསོད་ནམས་དང་བྲལ་བ་སྟེ། ལོངས་སྤྱོད་དང་། ཉེ
449b2 བར་སྤྱོད་པ་རྒྱ་ཆེན་པོ་དག་ལ་ལོངས་སྤྱོད་པའི་སྣོད་མ་ཡིན་ནོ། །བདག་གིས་ནི། སངས་རྒྱས་ཀྱི་ཞིང་མི་མཇེད་འདི་ཐམས་ཅད་ལྷའི་གཞལ་མེད་ཁང་རྒྱ་ཆེན་པོར་སྤྲུལ་པ་དང་། ལྷའི
449b3 གནས་མལ་དང་། རྒྱན་དང་། གོས་དང་། ལྷབ་ལྷུབ་དང་། སྤོས་དང་། མེ་ཏོག་དང་། ཕྲེང་བ་དང་། འབྲས་བུ་དང་། ཤིང་ལྗོན་པ་དང་། རོལ་མོའི་སྒྲ་དང་། སིལ་སྙན་དང་། གླུ་དབྱངས
449b4 དང་། རིན་པོ་ཆེ་སྣ་ཚོགས་ཀྱིས་བརྒྱན་པ་དག་ཏུ་སྤྲུལ་པར་ནུས་ཀྱང་འདིར་སེམས་ཅན་དེ་དག་བསོད་ནམས་དང་བྲལ་བས་སྣོད་དུ་མ་གྱུར་བའི་ཕྱིར་ལོངས་སྤྱོད་པར་མི་ནུས་ཏེ། དེ
449b5 བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ས་བཅུ་པ་དེ་དག་དང་། དཔའ་བར་འགྲོ་བའི་ཏིང་ངེ
449b6 འཛིན་ལ་དབང་ཐོབ་པ་དག་ལོངས་སྤྱད་པར་སྤྱོད་པ་ནི། མ་གཏོགས་སོ། །བདག་གིས་སེམས་ཅན་གྱི་ཁམས་མ་ལུས་པ་དག་བསམ་གཏན་བཞི་ལ་སྙོམས་པར་ཞུགས་པར་གཞག
449b7 བར་ནུས་ན། འདི་ན་ཀླུ་ཁྲོ་བོ་ཞེས་བྱ་བ་ནས་ལུས་སྲུལ་པོ་ཁྲོ་བོ་ཞེས་བྱ་བའི་བར་དག་ཞི་བར་བྱ་བ་ལྟ་སྨོས་ཀྱང་ཅི་དགོས། འདི་ལྟར་བདག་ནི། དེ་བཞིན་གཤེགས་པས་མ་གནང
iiif viewer powered by OpenSeadragon
