| e-texts navigator |
| Wylie |
447b1 པ|་སྙིང་རྗེ་མེད་པ། སྙིང་བརྩེ་བ་མེད་པར་ཞུགས་པ་ཕལ་མོ་ཆེ་དག་ལྷགས་པས་སྲོག་ཆགས་སུ་གྱུར་པ་རྣམས་ལ་གནོད་པ་དང་། ཡང་བར་སྤྱོད་པ་དེ་དག་གིས་དུས་མ་ཡིན་པའི
447b2 རླུང་དང་། ཆར་མོ་ཆེ་དང་། ཐན་ཆེན་དང་། སེར་དྲག་འབེབས་པ་དང་། ཚ་བ་དང་། གྲང་བ་དག་འབྱིན་པར་བྱེད་དོ། །ཕྱི་དགྲ་དང་། ནང་འཁྲུག་དང་། ཕུང་པར་འགྱུར་བ་དང་། ཕས
447b3 ཀྱི་དམག་ཚོགས་ཀྱི་གནོད་པ་དང་། འཐབ་མོ་དང་། ཉི་མས་གདུངས་པ་དང་། རླུང་དམར་དག་གཏོང་བར་བྱེད་དོ། །དེ་དག་ཀྱང་སྔོན་གྱི་རྒྱལ་པས་བྱིན་གྱིས་མ་བརླབས་ལ། དེ་དག
447b4 འཇིག་རྟེན་ཕ་རོལ་ལའང་མི་ལྟ་བས་འབྱོར་བྱེད་ཆུ་ཁྱིམ་སྙིང་པོ་ཞེས་བྱ་བའི་གཟུངས་འདི་ལ་རི་མོ་མི་བྱེད་དོ། དེ་དག་སེམས་ཅན་རྣམས་ཀྱི་ས་བོན་དང་། མྱུ་གུ་དང་། འདབ་མ་དང་།
447b5 མེ་ཏོག་དང་། འབྲས་བུ་དང་། རོ་དང་། འབྲུ་དང་། སྨན་དང་། ལོངས་སྤྱོད་དང་། ཉེ་བར་སྤྱོད་པ་དག་ཆུད་གཟོན་པར་བྱེད་དོ། །འཇིག་པར་བྱེད་དོ། །མདངས་འཕྲོག་པར་བྱེད་དོ། །
447b6 དེ་དག་སའི་བཅུད་རྣམས་ལ་དབུགས་གཏོང་བར་བྱེད་དེ། དེ་དག་གིས་སའི་བཅུད་རྣམས་སྐྱོན་དང་བཅས་པ་དང་། སྙིགས་མ་དང་བཅས་པ་དང་། ནད་དང་བཅས་པ་དང་། ལྡམ
447b7 ལྡུམ་གྱིས་འགགས་པ་དང་། རྩུབ་པ་དང་། རོ་མེད་པ་དང་། སྲ་བ་དང་། དྲི་མི་ཞིམ་པ་དག་ཏུ་བྱེད་དོ། །དེ་དག་གིས་སེམས་ཅན་རྣམས་མངོན་པར་དགའ་བར་མི་བྱེད་དོ། །སེམས
iiif viewer powered by OpenSeadragon
