| e-texts navigator |
| Wylie |
446a1 དེར་སེམས་ཅན་གང་དག་མ་རུངས་པ། རྩུབ་པ། སྙིང་མི་བརྩེ་བ། བྱས་པ་མི་གཟོ་བ། མི་མཉམ་པ། ཡང་བར་སྤྱོད་པ། སྡིག་པའི་སེམས་དང་ལྡན
446a2 པ་དག་འབྱུང་བར་འགྱུར་བ་དེ་དག་གིས་དུས་མ་ཡིན་པའི་རྫི་ཆར་དང་། ཚ་བ་དང་། གྲང་བ་དང་། ཆར་མོ་ཆེ་དག་འབེབས་པར་བྱེད་པས་གང་དག་སེམས་ཅན་རྣམས་ཀྱི
446a3 འབྲུ་དང་། འབྲས་བུ་དང་། ལོ་ཏོག་དང་། སྨན་དང་། ལྗོན་ཤིང་དང་། རོ་དག་མ་རུངས་པར་བྱེད་པ། མདངས་འཕྲོག་པ། སེམས་ཅན་རྣམས་ཀྱི་ལོངས་སྤྱོད་དང་། ཡོངས
446a4 སུ་སྤྱོད་པ་དག་ཆུད་གཟོན་པར་བྱེད་པ། མུན་ནག་ཏུ་བྱེད་པ་དེ་དག་ཐམས་ཅད་བདག་གིས་བསོད་ནམས་ཀྱི་མཐུ་དང་། ཤེས་རབ་ཀྱི་སྟོབས་ཀྱིས་བཟློག་པར་བགྱིའོ། །
446a5 དད་པར་བགྱིའོ། །འདུས་པ་ཆེན་པོ་ཐེག་པ་ཆེན་པོའི་མདོ་སྡེ། བམ་པོ་གཉིས་པ། གང་གི་ཚེ་སེམས་ཅན་དེ་དག་ལོངས་སྤྱོད་དང་། ཉེ་བར་སྤྱོད་པ་དང་བྲལ་བས
446a6 སེམས་ཅན་དེ་དག་མི་དགེ་བ་བཅུ་ལ་སྤྱོད་པར་བྱེད་དོ། །དགེ་བ་བཅུའི་ཆོས་རྣམས་ཡོངས་སུ་ཉམས་པར་བྱེད་དོ། །འདི་ལྟར་དེ་ལྟར་བཅོམ་ལྡན་འདས་ཀྱི་གདུལ་བྱ
446a7 རྣམས་བསྟན་པ་དང་། དཀོན་མཆོག་གསུམ་གྱི་གདུང་དང་། ཡོ་བྱད་དག་དང་མི་ལྡན་པས་གྲགས་པ་མེད་པར་འགྱུར་ཏེ། དེས་ན་དེར་བདག་གིས་ལོངས་སྤྱོད་དང་། ཉེ
iiif viewer powered by OpenSeadragon
