| e-texts navigator |
| Wylie |
445b1 བདག་གིས་དེ་བཞིན་གཤེགས་པ་དབང་པོའི་ཏོག་གི་རྒྱལ་མཚན་རྒྱལ་པོའི་སྤྱན་སྔར་འདི་ལྟ་བུར་དམ་བཅས་ཏེ། བདག་ཡུན་ཇི་སྲིད་དུ་འཁོར་བ་ན་འཁོར་བ་དེ་སྲིད་ཀྱི་བར་དུ
445b2 བརྟུལ་ཞུགས་དང་། དཀའ་ཐུབ་དང་། དཀའ་བ་སྤྱད་པ་དང་། སྦྱིན་པ་དང་། དུལ་བ་དང་། སྡོམ་པ་དང་། བསམ་གཏན་དང་། ཐོས་པ་དང་། གཏོང་བ་དང་། ཞལ་ཏ་སྣ
445b3 ཚོགས་དག་ལ་གོམས་པར་བགྱིའོ། །དཀའ་བ་སྤྱད་པ་དང་། ཡོངས་སུ་གཏོང་བ་རྣམ་པ་སྣ་ཚོགས་དག་ལ་གོམས་པར་བགྱིའོ། །གང་གི་ཚེ་སྐྱེ་རྒུའི་ཚེ་ལོ་བརྒྱ་བའི་ཚེ་ཉོན
445b4 མོངས་པ་དང་། ཉོན་མོངས་པའི་རྙོག་པ་དག་གིས་ཀུན་ཏུ་རྨོངས་པར་གྱུར་པའི་ཞིང་དག་ཏུ་བདག་གི་ཕ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས
445b5 པར་འཚང་རྒྱ་བར་འགྱུར་བའི་ཞིང་དེར་བདག་གིས་ཀྱང་དཔལ་གྱི་གོ་འཕང་གི་བདག་པོ་བླ་ན་མེད་པ་དག་བསྟན་པར་བགྱིའོ། །དེའི་བསྟན་པ་ལ་བཟའ་བ་དང་། བཏུང་བའི་ཡོ
445b6 བྱད་བླ་ན་མེད་པའི་སྦྱིན་པ་པོར་འགྱུར་བར་བགྱིའོ། །དེ་ན་དེ་བཞིན་གཤེགས་པ་ཤཱཀྱ་ཐུབ་པ་འཁོར་དང་བཅས་པ་དག་ལ་བདག་གིས་ཞལ་ཟས་དང་། བཏུང་བ་སྣ་ཚོགས
445b7 དག་གིས་རིམ་གྲོ་བགྱིའོ། །དེར་དེ་བཞིན་གཤེགས་པ་ཤཱཀྱ་ཐུབ་པས་མངོན་སུམ་དུ་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་ཐོབ་པར་བགྱིའོ། །
iiif viewer powered by OpenSeadragon
