| e-texts navigator |
| Wylie |
444b1 ཀྱིས་བརྩོན་ཞིང་རྩོལ་བར་མཛད། །ཡབ་ཅིག་ཚེ་འདིས་མྱ་ངན་འདས་པར་མི་གཤེགས་པར། །སེམས་ཅན་རྣམས་ལ་མཆོག་ཏུ་སྲུང་མཛད་ཤིན་ཏུ་བརྩོན། །དེས་རང་གི་བུ་དྲི་མེད
444b2 དཔལ་ལ་ཚིགས་སུ་བཅད་པས་ལན་སྨྲས་པ། སེམས་ཅན་འཁོར་བའི་སྡུག་བསྔལ་དག་གིས་རྨོངས་པ་དང་། །ལམ་ངན་ཞུགས་ཤིང་ཉོན་མོངས་པ་ཡི་མེ་འབར་བ། །རྟག་ཏུ་སྡུག་བསྔལ
444b3 དག་གིས་ཉོན་མོངས་ངས་མཐོང་ནས། །ཉོན་མོངས་པ་ཡི་མེ་དག་གསད་ཕྱིར་ང་བརྩོན་བྱེད། །ཤེས་རབ་རྣམ་པར་ཉམས་ཤིང་མཐའ་ལས་འདས་པ་དང་། །ལམ་ལས་རབ་ཏུ་ཉམས
444b4 ཤིང་ངན་སོང་འགྲོ་བ་དང་། །འཁོར་བ་ཤིན་ཏུ་བཟོད་རླག་ཆུ་བོར་ལྟུང་བ་རྣམས། །རབ་ཏུ་བསྒྲལ་བའི་ཕྱིར་ནི་ང་ཡང་སྤྱོད་པར་བྱེད། །སྦྱིན་དང་དུལ་དང་སྡོམ་པ་རྣམ་པར་སྤངས་པ
444b5 དང་། །ལྷ་དང་མི་ཡི་བདེ་ལས་རྟག་ཏུ་ཉམས་པ་དང་། །དགེ་བའི་བཤེས་གཉེན་དག་དང་རྟག་ཏུ་བྲལ་བ་རྣམས། །དེ་དག་ལ་ནི་བདག་གིས་ལམ་སྟོན་འགྱུར་བར་བྱ། །སེམས་ཅན
444b6 ཉོན་མོངས་པ་ཡིས་བཙོན་རར་རྟག་བཅིངས་པ། །མགོན་མེད་གྱུར་པ་མིག་ནི་རྣམ་པར་ཉམས་གྱུར་ཅིང་། །ལྟ་ངན་དག་ལ་ཆགས་པ་ཤ་དང་ཁྲག་ཟ་བ། །དེ་དག་དག་པར་བྱ་ཕྱིར་ང་ནི
444b7 སྤྱོད་པར་བྱེད། །སེམས་ཅན་རེ་རེའི་དོན་དུ་མནར་མེད་སྤྱོད་བྱེད་པ། །དེ་འདྲའི་སྙིང་རྗེ་སེམས་ཅན་རྣམས་ལ་བསྐྱེད་པར་བྱ། །ཇི་ལྟར་སེམས་ཅན་རེ་རེ་དེ་དག་ཐར་བྱའི་ཕྱིར། །སྡུག
iiif viewer powered by OpenSeadragon
