| e-texts navigator |
| Wylie |
438b1 པར་ཡང་དག་པར་རྗེས་སུ་མཐོང་ངོ་། །དེ་བཞིན་དུ་མིག་གི་ཚད་ལའང་སྦྱར་བར་བྱའོ། །གང་དུ་རྒ་ཤི་དང་འབྲེལ་བའི་སེམས་ཅན་དག་བར་ཆད་མེད་པར་འཁོར་བའི་ཆུ་བོར་བདས
438b2 པས་སྡུག་བསྔལ་རྣམ་པ་སྣ་ཚོགས་དག་ཉམས་སུ་མྱོང་བ་ན། དེ་འདི་སྙམ་དུ་བདག་གིས་ཅི་ནས་ཀྱང་རྣམ་པ་ཐམས་ཅད་དུ་གཟུགས་ཀྱི་འདུ་ཤེས་དག་དོར་བར་བྱའོ་སྙམ་དུ་སེམས་ཏེ།
438b3 དེ་རླུང་གི་ཁམས་ལ་སེམས་ཉེ་བར་གཏོད་པར་བྱེད་དོ། །དེ་རྣམ་པ་ཐམས་ཅད་དུ་གཟུགས་ཀྱི་འདུ་ཤེས་དག་སྤོང་བས་དེས་བརྗོད་དུ་མེད་པའི་ཏིང་ངེ་འཛིན་རབ་ཏུ་ཐོབ་སྟེ། དེ་ནི།
438b4 ཉན་ཐོས་དང་། རང་རྒྱལ་བ་ཐམས་ཅད་ཀྱི་ས་མ་ཡིན་ནོ། །དེ་ལ་སའི་ཁམས་མི་དམིགས་སོ། །ཆུའི་ཁམས་མི་དམིགས་སོ། །མེའི་ཁམས་མི་དམིགས་སོ། །རླུང་གི་ཁམས་མི
438b5 དམིགས་སོ། །ནམ་མཁའི་ཁམས་མི་དམིགས་སོ། །རྣམ་པར་ཤེས་པའི་ཁམས་མི་དམིགས་སོ། །ཕུང་པོ་དང་། ཁམས་དང་། སྐྱེ་མཆེད་རྣམས་རྒྱུ་བ་མི་དམིགས་སོ། །སྔོན
438b6 གྱི་མཐའ་མི་དམིགས་སོ། །ཕྱི་མའི་མཐའ་མི་དམིགས་སོ། །འཇིག་རྟེན་འདི་མི་དམིགས་སོ། །འཇིག་རྟེན་ཕ་རོལ་མི་དམིགས་སོ། །ལེགས་པར་སྤྱད་པ་དང་། ཉེས་པར་སྤྱད་པའི
438b7 ལས་རྣམས་ཀྱི་འབྲས་བུ་རྣམ་པར་སྨིན་པ་མི་དམིགས་སོ། །སྐྱེ་བ་མི་དམིགས་སོ། །འཇིག་པ་མི་དམིགས་སོ། །ཀུན་ནས་ཉོན་མོངས་པ་མི་དམིགས་སོ། །རྣམ་པར་བྱང་བ་མི་དམིགས
iiif viewer powered by OpenSeadragon
