| e-texts navigator |
| Wylie |
437b1 ཚེ་དབུགས་འབྱུང་བ་སོ་སོ་ཡང་དག་པར་རིག་པ་དེའི་ཚེ་དབུགས་རྔུབ་པ་སོ་སོ་ཡང་དག་པར་རིག་པ་མ་ཡིན་ནོ། །འཁོར་བའི་འཁོར་ལོ་དུམ་བུ་གསུམ་པར་ཚོར་བ་དང་། འདུ་ཤེས
437b2 དང་། སེམས་པ་ཡིད་ལ་བྱེད་པའང་དེ་ལྟ་བུ་ཡིན་ཏེ། འཇུག་པའི་རྒྱུས་ན་བར་ཆད་མེད་པར་སྐྱེ་བའི་རྒྱ་མཚོར་བདས་ཤིང་ཐར་པར་ཡང་མི་བྱེད་དོ། །ཡང་དང་ཡང་སྐྱེ་བར་བྱེད་དོ། །རྒ་བར་བྱེད
437b3 དེ|་|འཆི་བར་བྱེད་དོ། །ཡང་སྐྱེ་བར་ཡང་བྱེད་དོ། །ཆོས་གང་འདི་དག་མངོན་པར་རྫོགས་པར་སངས་རྒྱས་པ་དེས་ན་རྒ་ཤི་ལས་དེས་པར་འབྱུང་བ་དག་ཡང་དག་པ་ཇི་ལྟ་བ་བཞིན་རབ་ཏུ
437b4 ཤེས་སོ|་|དེ་དག་དབུགས་རྔུབ་པ་དང་། དབུགས་འབྱུང་བ་ཡང་དག་པ་ཇི་ལྟ་བ་བཞིན་ཉེ་བར་རྟོག་པར་མི་བྱེད་དོ། །འདི་ལྟར་སྲིད་པའི་རྒྱ་མཚོའི་སྒོ་དག་གི་དབུགས་རྔུབ་པ་དང་།
437b5 དབུགས་འབྱུང་བ་འཇུག་པ་དང་། ངེས་པར་འབྱུང་བར་ཡང་བྱེད་དོ། །དེ་བཞིན་དུ་བ་སྤུའི་ཁུང་བུའི་སྒོ་འབུམ་ཕྲག་ཁྲག་ཁྲིག་དགུ་བཅུ་རྩ་དགུ་སྙེད་ཐམས་ཅད་ཀྱི་དབུགས་རྔུབ་པ་དང་།
437b6 དབུགས་འབྱུང་བ་འཇུག་པ་དང་། ངེས་པར་འབྱུང་བར་བྱེད་ཀྱང་པ་སྤུའི་ཁུང་བུའི་སྒོ་འབུམ་ཕྲག་ཁྲག་ཁྲིག་དགུ་བཅུ་རྩ་དགུ་དེ་དག་ཉམས་པར་ཡང་མི་མངོན་ནོ། །རྒྱས་པར་ཡང་མི
437b7 མངོན་ནོ། །སྔོན་གྱི་མཐའ་དང་། ཕྱི་མའི་མཐའ་དང་། ཐོག་མ་དང་། བར་མ་དང་། ཐ་མའང་མི་མངོན་ནོ། །འཇུག་པ་དང་། འབྱུང་བའང་མི་མངོན་ནོ། །དེ་འདི་སྙམ་དུ་བདག་གིས་ཅི
iiif viewer powered by OpenSeadragon
