| e-texts navigator |
| Wylie |
435b1 ཕྱི་དགྲ་དང་། ནང་འཁྲུག་གི་དཔུང་དག་དང་། ལོ་ཉེས་དང་། ནད་དང་། དུས་མ་ཡིན་པའི་ནད་དང་། འཆི་བ་དག་མི་འབྱུང་ངོ་། །དེ་ནས་སེམས་ཅན་རྣམས་ཚེ་རིང་ཞིང་ཁ་དོག་དང་ལྡན་ནོ།།
435b2 བདེ་བ་མང་ཞིང་སེམས་ལ་རྙོག་མ་མེད་དོ། །རྩེ་དགའ་དང་མཚུངས་པར་ལྡན་ཞིང་ཆོས་སྤྱོད་ལ་མཐོ་རིས་དག་ལ་གཞོལ་ལོ། །ཡུལ་འཁོར་དེ་ན་སྦྱིན་གནས་སྣོད་དུ་གྱུར་པ་དག་རྣལ
435b3 འབྱོར་ཡིད་ལ་བྱེད་པ་དང་མཐུན་པར་མངོན་པར་དགའ་བ་དང་བཅས་པས་གནས་སོ། །དེ་ན་བཟའ་བཏུང་གི་ལོངས་སྤྱོད་མ་ཚང་བ་མེད་དོ། །འབྱུང་བ་ཆེན་པོ་ཡིད་དུ་འོང་བ་དག་གིས
435b4 བརྟན་ཏོ། །དབང་པོ་དང་། ཁམས་དག་རྒྱས་ཤིང་མི་མཐུན་པ་མེད་དོ། །ཡུལ་འཁོར་དེ་ན་མི་རྣམས་དཔའ་ཞིང་དྲན་པ་དང་ལྡན་ལ། བྱམས་པ་དང་སྙིང་རྗེ་དང་ལྡན་ཞིང་མཐོ་རིས་དག
435b5 ལ་གཞོལ་ལོ། །དཔལ་ཆོག་ཤེས། །ཡུལ་འཁོར་དེ་ཆོས་བཅུ་པོ་དེ་དག་གིས་ལེགས་པར་བརྒྱན་པ་ཡིན་ནོ། །དཔལ་ཆོག་ཤེས། བྱང་ཆུབ་སེམས་དཔའ་རྣམས་ཀྱི་ལས་ཀྱི་སྒྲིབ་པ་ནི།
435b6 འདི་ཡིན་ཏེ། ཐེག་པ་ཆེན་པོ་གཏོང་བ་དང་། སླུ་ཞིང་ཉན་ཐོས་ཀྱི་ས་ལ་འཇོག་པར་བྱེད་པའོ། །སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར་ཉན་ཐོས་ཀྱི་བསམ་གཏན་དང་།
435b7 ཏིང་ངེ་འཛིན་གྱིས་རྣམ་པར་རྩེ་བའི་ཕ་རོལ་ཏུ་ཕྱིན་པ་ནི། དེ་ལྟ་བུ་ཡིན་ནོ། །ཉན་ཐོས་གང་དག་གིས་བསམ་གཏན་གྱི་ཡན་ལག་ཡོངས་སུ་རྫོགས་པར་མི་ཤེས་པ་དེ་དག་ནི། ཁམས
iiif viewer powered by OpenSeadragon
