| e-texts navigator |
| Wylie |
435a1 རབ་ཏུ་ཞི་བ་དང་། ཚེ་རིང་བ་དང་། གཟུགས་བཟང་བ་དང་། མདོག་བཟང་པོ་དང་ལྡན་པ་དང་། ཡན་ལག་དང་ཉིང་ལག་སྡུག་པ་དང་། འཁོར་སྐྱེ་བོ
435a2 བཟང་བ་དང་། ལས་ཀྱི་མཐའ་ལེགས་པར་སྤྱད་པ་སྤྱོད་པ་དང་། བྱམས་པ་དང་སྙིང་རྗེ་ལ་སྦྱོར་བ་དང་། སྙན་པར་གྲགས་པ་དག་སྟེ། ཏིང་ངེ་འཛིན་དེ་ལྟ་བུ་དག་དང་ལྡན
435a3 པའི་སྦྱིན་གནས་སྣོད་དུ་གྱུར་པ། མཐོ་རིས་སུ་འགྲོ་བའི་ཡུལ་འཁོར་དེ་ནི། ཡོན་ཏན་དང་། ཕན་ཡོན་ཆེན་པོ་བཅུ་པོ་དེ་དག་གིས་རྒྱ་པར་འགྱུར་རོ། །རང་གི་དཔུང་དང་།
435a4 གཞན་གྱི་དཔུང་དང་། ཆོམ་རྐུན་དང་། མི་རྒོད་དང་། རི་དྭགས་དང་། སྟག་དང་། སྦྲང་མ་དང་། ཤ་སྦྲང་དང་། ཕྱེ་མ་ལེབ་དང་། ཆར་ཆེས་པ་དང་། ཐན་ཆེས་པ་དང་།
435a5 དུས་མ་ཡིན་པའི་རླུང་དང་། ལྷགས་པ་དང་། ཉི་མས་གདུངས་པ་དང་། ཚ་བའི་རེག་པ་དག་གིས་གནོད་པ་མི་འགྱུར་རོ། །ཡུལ་འཁོར་དེ་ས་གཞི་མཉམས་ཏེ། དགོན་པ་དང་།
435a6 གཙོང་རོང་མེད་དོ། །ཚ་བ་དང་། ཁ་བ་མེད་དོ། །དེ་ན་ས་བོན་སྣ་ཚོགས་དག་འཕེལ་ལོ། །འབྲུ་དང་། སྨན་དང་། རྩཝ་དང་། ཤིང་དང་། ཤིང་ལྗོན་པ་དང་། ཆུ་དག་ཕུན་སུམ་ཚོགས
435a7 ཤིང་ཆུད་མི་ཟ་བ་འབྱུང་ངོ་། །དེ་ན་མེ་ཏོག་དང་། སྨན་དང་། འབྲུ་དང་། རོ་རྣམས་ཆུད་མི་ཟ་བར་ཕུན་སུམ་ཚོགས་པར་འགྱུར་རོ། །ཡུལ་འཁོར་དེར་ཡིད་དུ་མི་འོང་བའི་སྒྲ་དང་།
iiif viewer powered by OpenSeadragon
