| e-texts navigator |
| Wylie |
433b1 ཡང་ན་དབུགས་རྔུབ་པ་དང་། དབུགས་འབྱུང་བར་མི་སྨོན་ཅིང་འཇིག་པའི་ཚུལ་གྱི་དམིགས་པས་ཉེ་བར་རྟོག་པར་ཡང་བྱེད་དོ། །དེ་ལ་ཡང་དག་པའི་སྤོང་བ་བཞི་སྒོམ་པ་ཡོངས་སུ་རྫོགས
433b2 པར་ཡང་འགྱུར་ལ། ཡང་ན་དབུགས་རྔུབ་པ་དང་། དབུགས་འབྱུང་བའི་སྐྱེ་བ་དང་། ནུབ་པའི་མཚན་མ་ལ་ཉེ་བར་རྟོག་པར་ཡང་བྱེད་དོ། །དེ་རྫུ་འཕྲུལ་གྱི་རྐང་པ་བཞི་སྒོམ་པ་ཡོངས
433b3 སུ་རྫོགས་པར་ཡང་འགྱུར་ལ། ཡང་ན་དབུགས་རྔུབ་པ་དང་། དབུགས་འབྱུང་བའི་མཚན་མ་ལ་དམིགས་པས་ཉི་ཟེར་གྱི་རྡུལ་དང་འདྲ་བར་ཕྱེ་མར་བརླགས་པ་བཞིན་དུ་རང་གི
433b4 ལུས་ལ་ཉེ་བར་རྟོག་པར་ཡང་བྱེད་དོ། །དེ་དབང་པོ་ལྔ་སྒོམ་པ་ཡོངས་སུ་རྫོགས་པར་ཡང་འགྱུར་ལ། ཡང་ན་དབུགས་རྔུབ་པ་དང་། དབུགས་འབྱུང་བ་སྐྱེ་བ་དང་། ནུབ་པའི་ཚུལ་གྱིས
433b5 འདུ་བྱེད་གསུམ་ལ་ཉེ་བར་རྟོག་པར་ཡང་བྱེད་དོ། །དེ་སྟོབས་ལྔ་སྒོམ་པ་ཡོངས་སུ་རྫོགས་པར་ཡང་འགྱུར་ལ། ཡང་ན་དབུགས་རྔུབ་པ་དང་། དབུགས་འགྱུང་བའི་ཚོར་བའི་མཚན་མ
433b6 གསལ་བའི་ཚུལ་གྱིས་ཕུང་པོ་དག་ལ་ཞི་བ་དང་། ཉེ་བར་ཞི་བར་རྟོག་པར་ཡང་བྱེད་དོ། །དེ་བཞིན་དུ་བྱང་ཆུབ་ཀྱི་ཡན་ལག་བདུན་སྒོམ་པ་ཡོངས་སུ་རྫོགས་པར་ཡང་འགྱུར་ལ། ཡང་ན
433b7 དབུགས་རྔུབ་པ་དང་། དབུགས་འབྱུང་བའི་རླུང་གི་རྣལ་འབྱོར་ཡིད་ལ་བྱེད་པས་སའི་ཁམས་གཟུགས་སུ་སྣང་བ་ཐམས་ཅད་རྡུལ་དུ་བརླགས་ཏེ་གཏོར་ནས་མཚན་མ་མེད་པ། ལུས
iiif viewer powered by OpenSeadragon
