| e-texts navigator |
| Wylie |
433a1 ཀྱང་ཡིད་ལ་བྱེད་པའི་སེམས་ཀྱི་དམིགས་པའི་སྣང་བ་དག་དོར་བར་བྱའོ་སྙམ་དུ་སེམས་སོ། །དེ་དེར་དེའི་ཚོར་བ་དང་། འདུ་ཤེས་དང་། སེམས་པ་དང་།
433a2 རེག་པ་གང་ཡིན་པ་ཡིད་ལ་བྱེད་པ་ཀུན་ཏུ་བྱུང་བ་དག་སྐྱེ་ཞིང་འཇིག་པ་དང་། འགོག་པའི་ཚུལ་གྱིས་རབ་ཏུ་ཞི་བར་བྱེད་ལ། འགོག་པའི་གྲོང་ཁྱེར་ཤིན་ཏུ་ཡོངས་སུ་དག
433a3 པར་འཇུག་པར་ཡང་བྱེད་དོ། །དེ་ལུས་དང་། ངག་དང་། ཡིད་ལ་བྱེད་པ་ཤིན་ཏུ་སྦྱངས་པ་ལ་གནས་སོ། །ཡང་དེ་ལས་ཀྱང་ལྡང་ངོ་། །ཡང་ན་དབུགས་རྔུབ་པ་དང་། དབུགས
433a4 འབྱུང་བའི་མཚན་མ་དག་འཛིན་པར་བྱེད་ལ། རེག་པ་ཡིད་ལ་བྱེད་པས་མཚན་མ་ལ་ཉེ་བར་རྟོག་པར་ཡང་བྱད་དོ། །ཡང་སྟོང་པ་ཉིད་ཀྱི་ཏིང་ངེ་འཛིན་ལ་འཇུག་པར་ཡང་བྱེད
433a5 ལ|་ཡང་ན་དབུགས་རྔུབ་པ་དང་། དབུགས་འབྱུང་བའི་སྐྱེ་བ་དང་། འཇིག་པ་མཚན་མའི་དམིགས་པ་ཡང་དག་པར་ལྟ་བར་བྱེད་དོ། །སྨོན་པའི་ཏིང་ངེ་འཛིན་དེ་ལའང
433a6 གནས་ལ། ཡང་ན་དབུགས་རྔུབ་པ་དང་། དབུགས་འབྱུང་བའི་ཞི་བ་དང་། འགོག་པ་ལ་ཡང་དག་པར་ལྟ་བར་ཡང་བྱེད་དོ། །མཚན་མ་མེད་པའི་ཏིང་ངེ་འཛིན་ལ་གནས
433a7 པ་དེ་བཞིན་དུ་དྲན་པ་ཉེ་བར་གཞག་པ་བཞི་སྒོམ་པའང་ཡོངས་སུ་རྫོགས་པར་འགྱུར་རོ། །དེ་ལ་རྣམ་པར་ཐར་པ་གསུམ་སྒོམ་པ་ཡོངས་སུ་རྫོགས་པར་ཡང་འགྱུར་ལ།
iiif viewer powered by OpenSeadragon
