| e-texts navigator |
| Wylie |
432a1 ལྟར་ན་དེར་དེས་རྣམ་པར་རྟོག་པ་དང་། རྣམ་པར་དཔྱོད་པ་དང་བཅས་པའི་བསམ་གཏན་དང་པོ་ཐོབ་པ་ཡིན་ནོ། །དེ་ལ་མཚན་མ་འདི་དག་འབྱུང་སྟེ། དེའི
432a2 ལུས་ཐམས་ཅད་གཡོ་བར་འགྱུར་རོ། །དྲོ་བར་འགྱུར་རོ། །དེར་དེ་འདོད་པའི་འདུན་པའི་སྒྲིབ་པ་སྤོང་བ་ཡིན་ནོ། །དེ་མི་དགེ་བའི་ཆོས་ཐམས་ཅད་གནོན་པར་བྱེད་དོ། །དེ་གང་གི
432a3 ཚེ་བརྩོན་པ་དྲག་པོ་ཡིད་ལ་བྱེད་ཅིང་གནས་པ་དེས་ན་དེ་རྣམ་པར་རྟོག་པ་དང་། རྣམ་པར་དཔྱོད་པ་ཉེ་བར་ཞི་བ་ཡིན་ཏེ། དེས་ན་རྣམ་པར་རྟོག་པ་དང་། རྣམ་པར་དཔྱོད་པ་མེད
432a4 པའི་བསམ་གཏན་གཉིས་པ་ཐོང་བ་ཡིན་ནོ། །དེ་ལྟར་དེའི་ལུས་ཐམས་ཅད་ཤིན་ཏུ་སིམ་པ་དང་། བདེ་བ་དང་། ཚིམ་པར་འགྱུར་བ་ནི། དཔེར་ན། འོ་མ་འཇམ་ཙམ་གྱིས་ལུས
432a5 ལ་གཅིག་ཅར་བླུགས་ན་བདེ་བ་མྱོང་བ་བཞིན་ནོ། །དེས་བདག་ནི། འདི་ལྟར་གྱུར་པར་ཤེས་ཏེ། དེས་ཟང་ཟིང་མེད་པའི་དགའ་བ་དང་། བདེ་བ་དེ་ལྟ་བུ་དང་ལྡན་ནོ་སྙམ་དུ་ཤེས
432a6 སོ|་|བྱང་ཆུབ་སེམས་དཔའ་དེས་དཀོན་མཆོག་གསུམ་ལ་དད་པ་ཐོབ་ནས་དེ་འདི་སྙམ་དུ་བདག་གིས་ནི། སེམས་ཅན་ཐམས་ཅད་ཀྱི་དོན་དུ་གོ་ཆ་ཆེན་པོ་བགོས་ནས་བསམ་གཏན
432a7 ལའང་མངོན་པར་བརྩོན་པར་བྱ་ཞིང་བདག་གིས་ཅི་ནས་ཀྱང་ལུས་དང་སེམས་ཀྱི་བདེ་བའང་དོར་བར་བྱའོ་སྙམ་དུ་སེམས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ
iiif viewer powered by OpenSeadragon
