| e-texts navigator |
| Wylie |
431b1 མཁས་པ། སེམས་ཅན་རྣམས་ཀྱི་ལམ་གསུམ་པོ་ལས་ཀྱི་ལམ་དང་། ཉོན་མོངས་པའི་ལམ་དང་། སྡུག་བསྔལ་གྱི་ལམ་དག་བསྐམས་པ་དང་། བསྒོམས་པ་ལས་བྱུང་བའི་བསོད
431b2 ནམས་བྱ་བའི་དངོས་པོ་རྫོགས་པར་བྱེད་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་དང་། དེའི་ཕ་རོལ་ཏུ་ཕྱིན་པ་དྲུག་པོ་ཡོངས་སུ་རྫོགས་པར་འགྱུར
431b3 བ་དང་། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དག་ཇི་ལྟ་བུ་ཡིན་ཞེ་ན། དཔལ་ཆོག་ཤེས། འདི་ལ་བྱང་ཆུབ
431b4 སེམས་དཔའ་སེམས་དཔའ་ཆེན་པོ་དག་ཐམས་ཅད་ཀྱི་དང་པོར་དབུགས་རྔུབ་པ་དང་། དབུགས་འབྱུང་བའི་མཚན་མའི་དམིགས་པ་ཐམས་ཅད་ལ་སེམས་གཏོད་པར་བྱེད་དེ། དེ
431b5 གཡེང་བ་མེད་པའི་སེམས་ཀྱིས་དབུགས་རྔུབ་པར་བྱེད་དོ། །དབུགས་འབྱུང་བར་བྱེད་དོ། །དེ་དང་པོར་དབུགས་རྔུབ་པའི་སེམས་ཀྱིས་སེལ་བར་བྱེད་པ་དེ་དག་ནི། དེའི་རྣམ་པར་རྟོག་པ
431b6 ཡིན་ནོ|་|དེ་ངེས་པར་འབྱུང་བ་ན་དབུགས་འབྱུང་བའི་སེམས་ཀྱིས་སེལ་བ་དེ་དག་ནི། དེའི་རྣམ་པར་དཔྱོད་པ་ཡིན་ནོ། །དེ་ལ་དགའ་ཞིང་ཚིམ་པ་གང་ཡིན་པ་དང་། སེམས་རྩེ་གཅིག་པ
431b7 ཉིད་གང་ཡིན་པ་དང་། གཡེང་བ་མེད་པ་གང་ཡིན་པ་དེས་ན་དེ་ངེས་པར་འབྱུང་བ་ལ་གནས་ཤིང་རྣམ་པར་རྟོག་པ་དང་། རྣམ་པར་དཔྱོད་པ་སྤོང་བའི་སེམས་དང་ལྡན་པ་ཡིན་ནོ། །དེ
iiif viewer powered by OpenSeadragon
