| e-texts navigator |
| Wylie |
430b1 རྒྱས་ཀྱི་ཡེ་ཤེས་ཀྱི་རྒྱ་མཚོ་བླ་ན་མ་མཆིས་པར་འཇུག་པར་བགྱིད་པ་ནས་ཆོས་ཀྱི་རྒྱལ་པོ་བླ་ན་མ་མཆིས་པར་དབང་བསྐུར་བ་ཐོབ་པར་བགྱིད་པའི་བར་དུའོ། །བཅོམ་ལྡན་འདས། བྱང
430b2 ཆུབ་སེམས་དཔའ་སེམས་དཔའ་ཆེན་པོ་དག་བསམ་གཏན་དང་པོའི་ཕ་རོལ་ཏུ་ཕྱིན་པ་ཡོངས་སུ་སྦྱོང་ཞིང་སློབ་པ་ན་བསམ་གཏན་གྱི་ཡན་ལག་རྣམས་འཚལ་བ་དང་། འདོད་པའི
430b3 ཁམས་ལས་ཡང་དག་པར་འདའ་བ་དང་། ཡན་ལག་ལྔ་དང་ལྡན་ཞིང་ཡན་ལག་ལྔ་སྤངས་པ་དང་། རྫུ་འཕྲུལ་གྱི་རྐང་པ་བཞིས་རྣམ་པར་རྩེ་བ་མངོན་པར་འཚལ་བ་དང་། སངས
430b4 རྒྱས་བཅོམ་ལྡན་འདས་དེ་དག་ཐམས་ཅད་ལ་མཆོད་པ་དང་། བཀུར་སྟི་བགྱི་བ་དང་། དམ་པའི་ཆོས་མཉན་པའི་སླད་དུ་སངས་རྒྱས་ཀྱི་ཞིང་ཐམས་ཅད་དུ་གློག་ལྟ་བུའི་ཤུགས་ཀྱིས
430b5 མཆི་བ་ལ་མཁས་པ་དང་། སེམས་ཅན་རྣམས་ཀྱི་ལམ་གསུམ་མོ། །གསུམ་འདི་ལྟ་སྟེ། ལས་ཀྱི་ལམ་དང་། ཉོན་མོངས་པའི་ལམ་དང་། སྡུག་བསྔལ་གྱི་ལམ་དག་སྐེམ་པར
430b6 བགྱིད་པ་དང་། བསྒོམས་པ་ལས་བྱུང་བའི་བསོད་ནམས་བགྱི་བའི་དངོས་པོ་རྫོགས་པར་བགྱིད་པ་དག་ཇི་ལྟ་བུ་ལགས། དེ་བཞིན་དུ་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ
430b7 རྫོགས་པར་བགྱིད་པ་ཇི་ལྟ་བུ་ལགས། དེའི་ཕ་རོལ་ཏུ་ཕྱིན་པ་དྲུག་པོ་ཡོངས་སུ་རྫོགས་པར་འགྱུར་བ་དང་། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར
iiif viewer powered by OpenSeadragon
