| e-texts navigator |
| Wylie |
429b1 བ་ཡུང་བའི་བསོད་ནམས་ཀུན་ཏུ་སྦྱོར་བར་བགྱི་བའི་དངོས་པོས་སངས་རྒྱས་ཀྱི་ཡེ་ཤེས་ཀྱི་རྒྱ་མཚོ་བླ་ན་མ་མཆིས་པ་ལ་འཇུག་པར་བགྱིད་པ་ནས་ཆོས་ཀྱི་རྒྱལ་པོ་བླ་ན་མ་མཆིས་པར་དབང་བསྐུར
429b2 བ་རབ་ཏུ་ཐོབ་པར་བགྱིད་པའི་བར་དུའོ། །བཙུན་པ་བཅོམ་ལྡན་འདས། འདི་ན་སེམས་ཅན་རྟག་པར་སྨྲ་བ་འདི་དག་ལོངས་སྤྱོད་དང་། ཉེ་བར་སྤྱོད་པ་རྒྱ་ཆེན་པོ་དང་བྲལ་ལ་ཚོལ་ཁྲོས་སྡུག
429b3 བསྔལ་ཞིང་ཉམ་ཐག་པ་དག་མཆིས་ཏེ། དེ་དག་ཚུལ་ཁྲིམས་རྣམ་པར་བགེད་པ་མ་མཆིས་པར་ཡོངས་སུ་སྨིན་པར་བགྱིད་པར་རྔོ་མི་ཐོགས་པས། འདིར་སེམས་ཅན་རྟག་པར་སྨྲ་བ་རྣམས
429b4 ལ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་སྙིང་རྗེ་ཆེན་པོ་དག་སྐྱེད་པར་བགྱིད་ཅིང་། ཚུལ་ཁྲིམས་ཀྱི་གོ་བགོས་པའི་གཟིངས་ཀྱིས་སེམས་ཅན་རྟག་པར་སྨྲ་བ་འདི་དག་སྐྱེ་བའི
429b5 རྒྱ་མཚོ་འདི་ལས་བསྒྲལ་བར་བགྱིའོ། །ཞེས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཚུལ་ཁྲིམས་ལས་བྱུང་བའི་བསོད་ནམས་ཀུན་ཏུ་སྤྱོད་པར་བགྱིད་པའི་དངོས་པོ་སེམས་ཅན
429b6 རྣམས་དགེ་བ་བཅུའི་ལས་ཀྱི་ལམ་གྱིས་ཡོངས་སུ་སྨིན་པར་བགྱིད་པ་དང་། སངས་རྒྱས་ཀྱི་ཡེ་ཤེས་ཀྱི་རྒྱ་མཚོ་བླ་ན་མ་མཆིས་པ་ལ་འཇུག་པར་བགྱིད་པ་ནས་ཆོས་ཀྱི་རྒྱལ་པོ་བླ་ན་མ
429b7 མཆིས་པར་དབང་བསྐུར་བ་རབ་ཏུ་ཐོབ་པར་བགྱིད་པའི་བར་དུའོ། །བཙུན་པ་བཅོམ་ལྡན་འདས། འདི་ན་སེམས་ཅན་གང་དག་ཕྲ་མ་དང་། ཚིག་རྩུབ་པོ་དང་། ཆགས་སེམས་དང་། གནོད
iiif viewer powered by OpenSeadragon
